پاکستانی فضائی حدود ایک سال بند رہی تو کتنا نقصان ہو گا؟ ایئر انڈیا نے بھارتی حکومت کو خط لکھ کر خبردار کر دیا

ائیر انڈیا کی تنبیہ

نئی دہلی (ویب ڈیسک) بھارتی ائیر لائن ائیر انڈیا نے پاکستانی فضائی حدود بند ہونے پر نقصان کی تلافی کے لیے بھارتی حکومت کو خط لکھ دیا۔

یہ بھی پڑھیں: پنجاب کے 3 حلقوں میں ضمنی انتخابات کی نئی تاریخ مقرر

خط کی تفصیلات

خبر ایجنسی کے مطابق خط میں کہا گیا ہے کہ پاکستانی فضائی حدود کی پابندی ایک سال رہی تو ائیرلائن کو 60 کروڑ ڈالر نقصان ہوگا۔ ائیر انڈیا نے حکومت سے مطالبہ کیا ہے کہ پاکستانی فضائی حدود کی بندش سے ہونے والے نقصان کی تلافی کی جائے۔ ائیر انڈیا نے بھارتی حکومت سے اقتصادی نقصان کے تناسب سے سبسڈی ماڈل کے لیے کہا ہے۔

یہ بھی پڑھیں: شیخ رشید کا انجام دیکھ کر خوشی ہوئی: سینیٹر ڈاکٹر افنان اللہ خان

مسافروں پر اثرات

خیال رہے کہ پاکستانی فضائی حدود کی بندش سے ائیر انڈیا سمیت دیگر بھارتی ائیر لائنز کو طویل سفر کے باعث زیادہ اخراجات اٹھانا پڑ رہے ہیں اور مسافروں کو بھی تاخیر کے باعث مشکلات کا سامنا ہے۔

یہ بھی پڑھیں: وزیراعظم کے سیاسی مشیر رانا ثناء اللّٰہ 250 ووٹ لے کر سینیٹر منتخب

روزانہ کا نقصان

ایوی ایشن ذرائع کے مطابق پاکستانی فضائی حدود کی بندش سے ائیر انڈیا کو روزانہ 20 کروڑ بھارتی روپے سے زائد کا نقصان ہوتا ہے، شمالی امریکا، یورپ، برطانیہ اور مشرق وسطیٰ کے لیے بھارتی طیارے طویل راستے اختیار کرنے پر مجبور ہوتے ہیں۔

یہ بھی پڑھیں: چین کے صدر شی جن پھنگ کا ملائیشیا کا دورہ ، ملائیشیا کے بادشاہ سلطان ابراہیم سلطان سکندر سے ملاقات

پروازوں کا دورانیہ

ذرائع کے مطابق پاکستان کی فضائی حدود کی بندش کی وجہ سے بھارتی ائیر لائنز کی پروازوں کے دورانیے میں 2 سے 4 گھنٹے کا اضافہ ہوگیا ہے۔

عملے کی مشکلات

طویل روٹ کی وجہ سے مسافر متاثر ہوتے ہیں، پروازوں میں تاخیر ہوتی ہے اور اخراجات میں اضافہ ہوتا ہے۔ اخراجات میں اضافے کے علاوہ بھارتی ائیر لائنز کے عملے کو ڈیوٹی ٹائم میں اضافے اور آرام میں کمی کی مشکلات بھی کا سامنا ہے.