لیہ: باراتی گاڑیوں کو حادثہ، 3 افراد جاں بحق، 6 زخمی

حادثہ کا وقوع

لیہ (ڈیلی پاکستان آن لائن) وہاڑی میں شادی کا گھر ماتم کدہ بن گیا، بارات میں شامل گاڑیوں کو حادثہ پیش آنے سے 3 افراد موقع پر جاں بحق اور 6 افراد شدید زخمی ہو گئے۔

یہ بھی پڑھیں: امریکی صدارتی انتخابات 2024: وہ ریاست جہاں مشرق وسطیٰ کی جنگ نتائج پر اثر انداز ہو سکتی ہے

حادثے کی تفصیلات

نجی ٹی وی چینل دنیا نیوز کے مطابق پولیس حکام کا کہنا ہے کہ بارات وہاڑی سے براستہ موٹر وے نوتک، بھکر جا رہی تھی کہ لیہ کی تحصیل چوبارہ کے قریب اڈہ حافظ آباد پر حادثہ پیش آ گیا۔

جاں بحق اور زخمی افراد

حکام کا کہنا ہے کہ جاں بحق ہونے والے کاشف ندیم، محمد عدنان اور باسط عمران کی نعشیں تحصیل ہسپتال منتقل کر دی گئیں، جب کہ عرفان، عنصر، مدثر، حسنین اور فاروق کو حالت تشویش ناک ہونے پر ڈسٹرکٹ ہیڈ کوارٹرز ہسپتال منتقل کر دیا گیا۔