سانحہ 9 مئی: حلیم عادل، خرم شیر زمان ودیگر پر فرد جرم عائد

کراچی کی انسداد دہشتگردی عدالت میں جدید پیش رفت

کراچی (ڈیلی پاکستان آن لائن) کی انسداد دہشتگردی کی خصوصی عدالت نے تحریک انصاف کے حلیم عادل شیخ، خرم شیر زمان اور راجہ اظہر سمیت 32 کارکنوں پر سانحہ 9 مئی کے تیسرے مقدمے میں فرد جرم عائد کردی۔ ملزمان کے صحت جرم سے انکار پر گواہوں کو طلب کر لیا گیا۔

یہ بھی پڑھیں: ڈی جی خان ؛لاکھانی چیک پوسٹ پر رات گئے دہشتگردوں کا حملہ

جلسے کے دوران ہونے والے واقعات کا پس منظر

نجی ٹی وی چینل دنیا نیوز کے مطابق، کراچی سینٹرل جیل انسداد دہشتگردی کمپلیکس میں خصوصی عدالت کے روبرو تحریک انصاف کے رہنماؤں کیخلاف سانحہ 9 مئی کے تیسرے مقدمے کی سماعت ہوئی۔ عدالت نے حلیم عادل شیخ، خرم شیر زمان اور راجہ اظہر سمیت 32 کارکنوں پر فرد جرم عائد کر دی۔ ملزمان کے صحت جرم سے انکار پر عدالت نے آئندہ سماعت پر گواہوں کو طلب کر لیا۔

فوجداری مقدمے کی تفصیلات

سانحہ 9 مئی کا مقدمہ فیروز آباد پولیس نے درج کیا تھا، ملزمان میں حلیم عادل شیخ، خرم شیر زمان، راجہ اظہر، فہیم خان، عالمگیر خان اور دیگر شامل ہیں۔ استغاثہ کے مطابق، ملزمان نے سرکاری اور نجی املاک کو نقصان پہنچایا، انہوں نے ریاست کے خلاف نعرے بازی کی اور لوگوں کو ریاست کے خلاف اکسایا۔