پاکستان کا فضائی آپریشن معمول پر آگیا، سعودی عرب سمیت 15 ممالک کی پروازیں شروع

پاکستان کا فلائٹ آپریشن بحال

اسلام آباد (ڈیلی پاکستان آن لائن) پاک بھارت کشیدگی کے بعد پاکستان کا فلائٹ آپریشن معمول پر آگیا۔ نجی ٹی وی جیو نیوز نے ایئرپورٹ ذرائع کے حوالے سے بتایا کہ سعودی عرب سمیت 15 ممالک نے پاکستان کے مختلف ایئرپورٹس کیلئے پروازیں شروع کر دی ہیں۔

یہ بھی پڑھیں: علی امین گنڈاپور سے سیکیورٹی واپس لینے کی خبریں میڈیا میں زندہ رہنے کی کوشش قرار

حج فلائٹ آپریشن کی تیز رفتاری

ملک بھر کا حج فلائٹ آپریشن بھی تیزی سے تکمیل کی جانب گامزن ہے۔ سعودی ایئر لائن نے آج لاہور اور اسلام آباد کیلئے بھی پروازیں شروع کردیں۔

یہ بھی پڑھیں: شورکوٹ: موٹروے پر 2 مسافر بسوں میں تصادم، 2 افراد جاں بحق، 5 زخمی

جدہ سے پروازیں

ایئرلائن ذرائع کے مطابق جدہ سے لاہور اور اسلام آباد کی سعودی ایئر کی پروازیں آپریٹ کی جا رہی ہیں۔

یہ بھی پڑھیں: حکومت کا پی آئی اے کی نجکاری کیلئے نئے اشتہارِ دلچسپی کا اعلان

حج پروازوں کی بحالی کے لیے کوششیں

ایئرپورٹ ذرائع کا کہنا ہے کہ پاکستان سے حج پروازوں کو معمول پر لانے کیلئے کوششیں جاری ہیں۔

فلائٹ شیڈول کی تفصیلات

فلائٹ شیڈول کے مطابق سیالکوٹ، پشاور، کوئٹہ، فیصل آباد اور ملتان سے آج کوئی پرواز منسوخ نہیں جبکہ بحرین، دوحا، سیالکوٹ اور مدینہ کی اسلام آباد کی قومی ایئر کی پروازیں لاہور منتقل کی گئی ہیں۔