اسرائیل کی جوہری تنصیبات سے متعلق ہزاروں حساس دستاویزات ایران کے ہاتھ لگ گئیں

ایران کا اسرائیلی دستاویزات کو قیمتی خزانہ قرار دینا

تہران(ڈیلی پاکستان آن لائن)غیر ملکی خبررساں ایجنسی کے مطابق ایران نے اسرائیلی حساس دستاویزات کو قیمتی خزانہ قرار دیتے ہوئے دستاویزات جلد منظر عام پر لانے کا اعلان کردیا۔

یہ بھی پڑھیں: پاکستان اور افغانستان میں آئندہ ہفتے زلزلے کا امکان، شدت 5.4 ہو سکتی ہے: شہباز لغاری

ایرانی وزیر کی تفصیلات

ایرانی وزیر برائے انٹیلی جنس اسماعیل خطیب نے ایرانی میڈیا کو بتایا کہ اسرائیل کی مکمل جوہری دستاویزات حاصل کرکے ایران منتقل کردی گئی ہیں۔ انہوں نے کہا کہ امریکا، یورپ اور دیگر ممالک کے ساتھ اسرائیل کے تعلقات اور اسرائیلی اسٹریٹجک پاور کی انٹیلی جنس دستاویزات بھی اس میں شامل ہیں۔

یہ بھی پڑھیں: سموگ کا روگ کم نہ ہو سکا،آلودہ ترین شہروں میں ملتان سرفہرست

عملیاتی منصوبہ

ایرانی وزیر کا کہنا تھا کہ اسرائیلی دستاویزات حاصل کرنے کے لیے جامع اور پیچیدہ آپریشن کا منصوبہ بنایا گیا تھا، دستاویزات کی طرح انہیں ایران منتقل کرنے کا طریقہ بھی اہم تھا۔

معلومات کا جلد افشاء

انہوں نے مزید کہا کہ اسرائیلی حساس دستاویزات بہت جلد منظر عام پر لائیں گے۔ خبررساں ایجنسی کے مطابق اس خبر سے متعلق اسرائیل کی طرف سے فوری طور پر کوئی تبصرہ سامنے نہیں آیا۔