اگر جنگ چھڑ گئی تو تمام امریکی فوجی اڈے ہمارے نشانے پر ہوں گے: ایران کی دھمکی

ایران کی دھمکی

تہران(ڈیلی پاکستان آن لائن) ایران نے امریکا کو خبردار کیا ہے کہ اگر امریکا کے ساتھ کوئی تنازع چھڑتا ہے تو وہ خطے میں موجود تمام امریکی فوجی اڈوں کو نشانہ بنائے گا۔

یہ بھی پڑھیں: پاکستان میں 2025 میں دہشت گردی کے واقعات میں کتنا اضافہ ہوا اور کتنے افراد لقمۂ اجل بنے۔۔؟ سیکیورٹی رپورٹ میں تہلکہ خیز انکشافات

دفاعی وزیر کی وضاحت

غیر ملکی میڈیا کی رپورٹ کے مطابق ایرانی وزیر دفاع عزیز ناصر زادے نے ایران پر امریکی حملے کی صورت میں مشرق وسطیٰ میں امریکی اڈوں پر حملے کی دھمکی دی ہے۔ انہوں نے کہا ہے کہ امریکا سے جوہری معاہدہ نہ ہونے پر اگر امریکا نے ایران پر حملہ کیا تو ایران خطے میں امریکی اڈوں کو نشانہ بنائے گا۔

یہ بھی پڑھیں: سابق وزیر اعظم عمران خان کو دہشتگردی کے مقدمے میں گرفتار کرلیا گیا

گفتگو کی امید

ایرانی وزیر دفاع نے کہا کہ امید ہے نوبت وہاں تک نہیں پہنچے گی اور مذاکرات کے مثبت نتائج سامنے آئیں گے۔ لیکن اگر ایسا نہ ہوا اور ایران پر جنگ مسلط کی گئی تو دشمن کے نقصانات ایران کے مقابلے میں کہیں زیادہ ہوں گے۔ انہوں نے کہا کہ حملے کی صورت میں امریکا کو اس خطے سے نکلنا پڑے گا۔

یہ بھی پڑھیں: ایم ڈی اے میں تحریک پاکستان کے کارکن ریاض احمد چوہدری کے اعزاز میں تقریب، اعزازی شیلڈ سے نوازا گیا

امریکی صدر کا بیان

دوسری جانب امریکی صدر ڈونلڈ ٹرمپ نے کہا ہے کہ انہیں ایران کے ساتھ نیوکلیئر معاہدے تک پہنچنے کی امید اب کم ہوتی جا رہی ہے۔

مذاکرات کی تاریخ

واضح رہے کہ ایران اور امریکا اپریل سے اب تک 5 بار مذاکرات کر چکے ہیں تاکہ 2015ء میں طے پانے والے جوہری معاہدے کی جگہ ایک نیا معاہدہ کیا جا سکے۔