آئی ایف سی کا ریکوڈک منصوبے میں مزید 400 ملین ڈالر کی سرمایہ کاری کا اعلان

آئی ایف سی کی سرمایہ کاری

واشنگٹن (ڈیلی پاکستان آن لائن) انٹرنیشنل فنانس کارپوریشن (آئی ایف سی) نے ملکی معیشت میں نئی روح پھونکنے کے لیے ریکوڈک منصوبے میں مزید 400 ملین ڈالر کی سرمایہ کاری کا اعلان کر دیا۔

یہ بھی پڑھیں: بھارتی حکومت نے سیکیورٹی ناکامی کا الزام لیفٹیننٹ جنرل کمار پر ڈال دیا؟ ڈپٹی چیف آف اسٹاف پراتک شرما نادرن کمانڈر تعینات

کل سرمایہ کاری

نجی ٹی وی آج نیوز کے مطابق ریکوڈک منصوبے میں آئی ایف سی کی کل سرمایہ کاری 700 ملین ڈالر تک پہنچ گئی۔ ریکوڈک منصوبے کی لاگت 6.6 بلین ڈالر ہے، مالیاتی اتحاد قرض و سرمایہ سے فنڈ فراہم کرے گا۔ ریکوڈک سے 37 سال میں 74 ارب ڈالر تک آمدن کی توقع ہے۔

یہ بھی پڑھیں: لاہور قلندرز کی پی ایس ایل میں مزید 10 سالہ توسیع، ہائی پرفارمنس سینٹر کا بڑا منصوبہ بھی اعلان

مالیاتی اداروں کی شمولیت

ریکوڈک منصوبے میں یو ایس ایگزِم، ایشیائی ترقیاتی بینک، کینیڈا اور جاپان کے مالیاتی اداروں کی شمولیت بھی متوقع ہے۔

یہ بھی پڑھیں: ہم 40 سال سے آپکی حفاظت کر رہے ہیں، اور آپ جنگ میں شامل نہیں ہونا چاہتے

آئی ایف سی کا مؤقف

آئی ایف سی کے سربراہ مختار ڈیوپ کا کہنا ہے کہ پاکستان میں انفراسٹرکچر، توانائی اور قدرتی وسائل پر توجہ بڑھا رہے ہیں، اور پاکستان میں توانائی و قدرتی وسائل میں دوگنا سرمایہ کاری کریں گے۔

یہ بھی پڑھیں: پی ٹی آئی طاقت کھو چکی، اب کوئی تحریک چلانے کے قابل نہیں، عرفان صدیقی

ریکوڈک منصوبے کی پیداوار

انہوں نے کہا کہ پاکستان کا سب سے بڑا تانبے اور سونے کا منصوبہ ریکوڈک 2028 میں پیداوار شروع کرے گا، ریکوڈک سے بلوچستان کی ترقی اور روزگار کے وسیع مواقع پیدا ہوں گے۔

غیرملکی سرمایہ کاری کو فروغ

سربراہ آئی ایف سی مختار ڈیوپ کا مزید کہنا تھا کہ ریکوڈک منصوبے سے پاکستان میں غیرملکی سرمایہ کاری کو فروغ ملے گا اور یہ منصوبہ پاکستان کو عالمی معدنیاتی نقشے پر لانے میں اہم کردار ادا کرے گا۔