میرا یقین ہے آپ حق پر ہوں اور کسی کے حق کی خاطر ڈٹ جائیں تو اللہ مدد ضرور کرتا ہے، وقتی تکلیف اٹھا لو مگر ضمیر کے خلاف کام کبھی مت کرو

مصنف کی شناخت

مصنف: شہزاد احمد حمید
قسط: 200

یہ بھی پڑھیں: وزیراعلی مریم نواز کی خیبرپختونخوا میں دہشتگردوں کیخلاف کامیاب کارروائی پر سیکیورٹی فورسز کو شاباش

کہانی کا آغاز

قصے میاں طارق کے؛
ایک روز ڈنگہ شہر سے تعلق رکھنے والے آئی جے آئی کے امیدوار اور سابق ایم پی اے میاں طارق محمود میرے دفتر آئے۔ ان کے حلقے کی 3 یونین کونسلز میرے علاقے میں فال کرتی تھیں۔ کھاریاں میں میرے کولیگ خاں صداقت صاحب سے ان کا اچھا تعلق تھا۔

یہ بھی پڑھیں: فارمیشن کمانڈرز کانفرنس میں اسلام آباد کی اہم عمارتوں پر فوج کی قانونی تعیناتی کیخلاف پروپیگنڈے پر تشویش کا اظہار

خاں صداقت کی یاد

(خاں صاحب ملازمت کے دوران ہی فوت ہو گئے۔ وہ فشار خون کے مریض تھے۔ اچھے ہنس مکھ انسان تھے۔ اللہ ان کی مغفرت فرمائے۔ آمین) وہ میاں طارق کے ساتھ ان کے جلسوں میں جاتے۔ وہاں میاں طارق ترقیاتی گرانٹ کا اعلان کرتے اور خاں صداقت وہیں گرانٹ کا چیک جاری کر دیتے تھے۔

یہ بھی پڑھیں: پاک، بھارت جنگ بندی کے باوجود ملک بھر کی 150 پروازیں منسوخ

غیر قانونی معاملات

یہ صریحاً غیر قانونی تھا اور کسی بھی افسر کے منصب کو زیب بھی نہیں دیتا تھا کہ وہ کسی سیاسی شخص کی خوشنودی کے لئے اس حد تک خود کو گرائے۔ ہر چیز اپنی حد میں ہی اچھی لگتی ہے۔ ایسی نوکری سے تو غلامی بہتر ہے۔ ہم کیوں بھول جاتے ہیں کہ ہر انسان کا رزق اللہ نے لکھ رکھا ہے۔

یہ بھی پڑھیں: برطانیہ میں قتل ہونے والی 10 سالہ سارہ شریف کے والد عرفان شریف نے قتل کی ذمہ داری قبول کرلی

توقعات اور انکار

بہرحال، وہ مجھ سے بھی ایسی ہی توقع اور خواہش لئے آئے تھے۔ میرے انکار کا انہوں نے برا منایا اور نتائج بھگتنے کی دھمکی دیتے چلے گئے۔

یہ بھی پڑھیں: پاکستان کے مؤقف کی تائید بڑی سفارتی فتح، کشمیر کے مسئلے نے ایک بار پھر عالمی منظرنامے پر اپنی موجودگی کو مضبوطی سے منوا لیا

پرانا تجربہ

اس سے پہلے بھی وہ ایم پی اے تھے تو ملک مشتاق کو ایک غیر قانونی کام کرنے پر مجبور کرتے رہے ناکامی پر اس کا تبادلہ سرائے عالمگیر مرکز کی یونین کونسل ٹھل بھگول کر دیا جو آزاد کشمیر کے بارڈر پر تھی۔ واقعہ کچھ یوں تھا کہ میاں طارق کے ایک ووٹر سپورٹر جو ڈنمارک میں تھے کسی عورت کا طلاق سرٹیفیکیٹ جاری کروانا چاہتے تھے اور اس کے لئے مشتاق کو لاکھ روپیے اور اس کے ایک بچے کو ڈنمارک سیٹیل کروانے کی ذمہ داری لینے کو تیار تھے۔

یہ بھی پڑھیں: این اے 213 عمر کوٹ کے ضمنی الیکشن میں پیپلزپارٹی کامیاب

ضمیر کی آواز

مشتاق جیسے سفید پوش کے لئے ایسی بڑی آفر ٹھکرانا آسان نہ تھا۔ اس نے مجھ سے بات کی۔ میں نے اسے کہا؛ "مشتاق زندگی میں کوئی ایسا کام مت کرنا جس سے ضمیر عمر بھر ملامت کرتا رہے۔" مشتاق کے انکار پر اس پارٹی نے میاں طارق کے ذریعے مشتاق کو مجبور کرنے کی ناکام کوشش کی۔ سزا کے طور پر اس کا تبادلہ ٹھل بگول ہوا جو آزاد کشمیر کے بارڈر پر ہے۔

یہ بھی پڑھیں: سپیکر نے مذاکرات کیلئے کمیٹی بنانے کی یقین دہانی کرا دی ہے: بیرسٹر گوہر

پراجیکٹ منیجر کی مدد

اس زمانے میں وہاں جانا کوئی آسان کام نہ تھا۔ میرے استاد اور باس (چوہدری ریاض) وہاں پراجیکٹ منیجر تھے۔ میں نے ان سے بات کی۔ انہوں نے جواب دیا؛ "ملک سے کہو آنے کی بھی ضرورت نہیں، تنخواہ گھر پہنچ جائے گی۔" ایسا ہی ہوا۔

یہ بھی پڑھیں: توقع ہے شکیل ترابی سیاسی جماعتوں کے باہمی تعلقات کے فروغ میں اہم کردار ادا کریں گے:سینیٹر عرفان صدیقی

نئی معلومات

ایک روز مشتاق کے جاننے والے اس کی پرانی یونین کونسل خواص پور کسی کام سے آئے۔ مشتاق کی جگہ نئے سیکرٹری کو دیکھ کر انہیں صورت حال سے آگاہی ہوئی۔ وہ علاقے کے انتہائی بااثر لوگ میاں طارق کے تگڑے سپورٹر تھے۔

یہ بھی پڑھیں: باہمی رضا مندی کے بغیر مزید کوئی نہر نہیں بنائی جائے گی، وزیر اعظم شہباز شریف

معافی کی توقع

وہ مشتاق کے گھر آئے اور بولے؛ "ملک صاحب! میاں طارق آپ کے گھر آ کر کی گئی زیادتی کی معافی مانگے گا۔" مشتاق ظرف والا تھا کہنے لگا؛ "انہیں آپ اپنے گھر ہی بلا لیں۔" پھر میاں طارق کو ایسا ہی کرنا پڑا۔

یہ بھی پڑھیں: امریکی سپریم کورٹ کا ڈی پورٹ کیے گئے شخص کو سرکاری خرچ پر واپس لانے کا حکم

ایمان کی طاقت

میرا یقین ہے کہ اگر آپ حق پر ہوں اور کسی کے حق کی خاطر ڈٹ جائیں تو اللہ آپ کی مدد ضرور کرتا ہے۔ وقتی تکلیف اٹھا لو مگر ضمیر کے خلاف کام کبھی مت کرو۔

(جاری ہے)

نوٹ

یہ کتاب "بک ہوم" نے شائع کی ہے (جملہ حقوق محفوظ ہیں) ادارے کا مصنف کی آراء سے متفق ہونا ضروری نہیں۔