امریکا کے تمام الزامات بے بنیاد، بھرپور جواب دیا جائے گا: ایران

ایران کا امریکی حملے کا جواب دینے کا اعلان

نیویارک(ڈیلی پاکستان آن لائن) ایران نے امریکی حملے کا بھرپور جواب دینے کا اعلان کر دیا۔

یہ بھی پڑھیں: کے الیکٹرک صارفین کے لیے بجلی 5 روپے 2 پیسے فی یونٹ سستی ہونے کا امکان

اقوام متحدہ میں ایرانی مندوب کا خطاب

نجی ٹی وی چینل دنیا نیوز کے مطابق، اقوام متحدہ میں ایرانی مندوب نے سلامتی کونسل کے ہنگامی اجلاس سے خطاب کرتے ہوئے امریکا کے تمام الزامات کو بے بنیاد قرار دیا۔ انہوں نے کہا کہ الزامات کی قانونی حیثیت نہیں بلکہ یہ سیاسی محرکات پر مبنی ہیں، ان کی کوئی قانونی بنیاد نہیں۔

یہ بھی پڑھیں: عمران خان کی اڈیالہ جیل سے منتقلی کی افواہوں پر جیل ذرائع کی وضاحت آگئی

ایرانی افواج کا فیصلہ

ان کا کہنا تھا کہ حملے کا جواب دینے کے وقت اور نوعیت کا فیصلہ ایرانی افواج کریں گی۔ ایران پر حملہ عالمی قوانین کی خلاف ورزی ہے، اور جنگی مجرم نیتن یاہو امریکا کو جنگ میں دھکیلنے میں کامیاب ہوا ہے۔ انہوں نے مزید کہا کہ امریکا نے نیتن یاہو کی خاطر سفارتی کوششوں کو متاثر کیا۔

یہ بھی پڑھیں: آئی جی اسلام آباد کے سکواڈ کی گاڑی کو حادثہ، پولیس اہلکار جاں بحق

ایران کے نیوکلیئر انرجی کے حصول پر پابندیاں

ایرانی مندوب کا مزید کہنا تھا کہ ایران کو پر امن مقاصد کے لئے نیوکلیئر انرجی کے حصول سے روکا جا رہا ہے، دنیا ایران کے خلاف طاقت کا استعمال دیکھ رہی ہے۔

خطے کی سلامتی کا مسئلہ

انہوں نے کہا کہ اسرائیلی جارحیت کی وجہ سے خطہ غیر محفوظ ہو چکا ہے، اور سلامتی کونسل کو بات چیت کے ذریعے حل نکالنا چاہئے۔