پنجاب میں بارشوں کے باعث مختلف حادثات میں 7 افراد جاں بحق، متعدد زخمی

بارشوں کا آغاز

لاہور (ڈیلی پاکستان آن لائن) پنجاب میں بارشوں کے باعث مختلف حادثات میں 7 افراد جاں بحق جبکہ متعدد زخمی ہوگئے۔

یہ بھی پڑھیں: آبنائے ہرمز سے روزانہ کتنے جہاز گزر رہے ہیں، تیل اور گیس کی قیمتوں کو معمول پر آنے میں کتنا وقت درکار ہوگا؟ عالمی ماہرین نے خبردار کر دیا

حادثات کی تفصیلات

نجی ٹی وی سما نیوز کے مطابق لاہور سمیت پنجاب کے مختلف شہروں میں مون سون کا آغاز ہوگیا۔ موسلا دھار بارش کے باعث حادثات میں 7 افراد جاں بحق اور 14 زخمی ہوگئے۔ لاہور میں لیسکو کے 210 فیڈرز ٹرپ ہونے سے متعدد علاقوں میں بجلی کی فراہمی معطل ہوگئی۔

یہ بھی پڑھیں: بروقت دورہ، مثبت نتائج

جہلم میں حادثہ

ریسکیو حکام کے مطابق جہلم میں برساتی نالے میں رکشہ الٹنے سے 8 افراد ڈوب گئے، رکشے میں سوار 8 افراد میں سے 6 کو زندہ بچالیا گیا جبکہ دو افراد کی لاشیں نکال کر ہسپتال منتقل کردی گئیں۔

یہ بھی پڑھیں: ایف بی آر سے کرپٹ ترین عناصر کو نکال پھینکا،ایجنسیوں کی معلومات مستند تھیں،سفارشیں بھی آئیں مگر وہ کیا جس کی مثال نہیں ملتی،شہباز شریف

چونیاں میں سانحہ

چونیاں میں بارش کے باعث مکان کی چھت گرگئی، جس کی وجہ سے 2 بچیاں ملبے تلے دب کر جاں بحق ہوگئیں۔

یہ بھی پڑھیں: عمران فاروق کو بانی ایم کیو ایم نے قتل کروایا،مصطفیٰ کمال

بہاولنگر اور اوکاڑہ کے واقعات

بہاولنگر میں بارش کے باعث کچے مکان کی چھت گرگئی، چھت کے ملبے تلے دب کر 4 سال کا بچہ زین دم توڑ گیا۔ اوکاڑہ میں 5 سالہ بچی بھی چھت گرنے سے ملبے تلے دب کر جاں بحق ہوگئی۔