پنجاب میں بارشوں کے باعث مختلف حادثات میں 7 افراد جاں بحق، متعدد زخمی

بارشوں کا آغاز

لاہور (ڈیلی پاکستان آن لائن) پنجاب میں بارشوں کے باعث مختلف حادثات میں 7 افراد جاں بحق جبکہ متعدد زخمی ہوگئے۔

یہ بھی پڑھیں: سعودی عرب کی مقبوضہ کشمیر میں سیاحوں پر حملے کی مذمت

حادثات کی تفصیلات

نجی ٹی وی سما نیوز کے مطابق لاہور سمیت پنجاب کے مختلف شہروں میں مون سون کا آغاز ہوگیا۔ موسلا دھار بارش کے باعث حادثات میں 7 افراد جاں بحق اور 14 زخمی ہوگئے۔ لاہور میں لیسکو کے 210 فیڈرز ٹرپ ہونے سے متعدد علاقوں میں بجلی کی فراہمی معطل ہوگئی۔

یہ بھی پڑھیں: راولپنڈی؛ مبینہ پولیس مقابلے کے دوران خطرناک اشتہاری ملزم ہلاک

جہلم میں حادثہ

ریسکیو حکام کے مطابق جہلم میں برساتی نالے میں رکشہ الٹنے سے 8 افراد ڈوب گئے، رکشے میں سوار 8 افراد میں سے 6 کو زندہ بچالیا گیا جبکہ دو افراد کی لاشیں نکال کر ہسپتال منتقل کردی گئیں۔

یہ بھی پڑھیں: نوازشریف کی پارٹی کو اقتدار میں لانے والوں کا احتساب ہونا چاہیے: شوکت یوسفزئی

چونیاں میں سانحہ

چونیاں میں بارش کے باعث مکان کی چھت گرگئی، جس کی وجہ سے 2 بچیاں ملبے تلے دب کر جاں بحق ہوگئیں۔

یہ بھی پڑھیں: جنازوں میں عدم شرکت اور تنقید کے بعد پی ٹی آئی کا خیبر پختونخوا میں 12 بہادر فوجی جوانوں کی شہادت پر خراجِ عقیدت، اعلامیہ جاری کردیا

بہاولنگر اور اوکاڑہ کے واقعات

بہاولنگر میں بارش کے باعث کچے مکان کی چھت گرگئی، چھت کے ملبے تلے دب کر 4 سال کا بچہ زین دم توڑ گیا۔ اوکاڑہ میں 5 سالہ بچی بھی چھت گرنے سے ملبے تلے دب کر جاں بحق ہوگئی۔