کراچی میں نو عمر لڑکے کے ساتھ زیادتی کی کوشش، دو ملزمان گرفتار

کراچی میں نوعمر لڑکے کے ساتھ زیادتی کی کوشش

کراچی(ڈیلی پاکستان آن لائن) ابراہیم حیدری پولیس نے نوعمر لڑکے سے مبینہ طور پر زیادتی کی کوشش کرنے والے 2 ملزمان کو گرفتار کرلیا۔

پولیس کی بروقت کارروائی

ترجمان ڈسٹرکٹ ملیر کے مطابق ابراہیم حیدری پولیس نے بنگالی پاڑہ میں نوعمر لڑکے کو زیادتی کا نشانہ بنانے کی کوشش ناکام بناتے ہوئے بروقت کارروائی کر کے 2 ملزمان کو گرفتار کرلیا۔

ملزمان کی شناخت

ترجمان نے بتایا کہ ملزمان کی شناخت فراز اور حمزہ کے نام سے ہوئی ہے۔ گرفتار ملزمان بچے کو دوست سے ملوانے کا جھانسہ دے کر اپنے ہمراہ لے گئے تھے، تاہم پولیس نے اطلاع ملتے ہی موقع پر پہنچ کر دونوں ملزمان کو گرفتار کرلیا۔

بچے کا معائنہ اور تحقیقات

ضلعی ترجمان نے بتایا کہ بچے کو پولیس نے جسمانی معائنے کے لیے ہسپتال منتقل کر دیا ہے اور دونوں ملزمان کے خلاف مقدمہ درج کرکے مزید تفتیش کا عمل جاری ہے۔