خواجہ آصف: پی ٹی آئی کا اسلام آباد میں دھاوا دشمن قوتوں کے حملے کی علامت

خواجہ آصف کا بیان

اسلام آباد(ڈیلی پاکستان آن لائن) وزیر دفاع خواجہ آصف نے کہا ہے کہ طالبان پی ٹی آئی کے سہولت کار ہیں اور ان کے مسلح افراد پی ٹی آئی کے ساتھ آرہے ہیں۔ ہم ان مسلح جتھوں کا ہر قیمت پر جواب دیں گے۔

یہ بھی پڑھیں: تحریک انصاف کے 432 کارکن لاہور میں دفعہ 144 کی خلاف ورزی پر گرفتار

پریس کانفرنس کی تفصیلات

اسلام آباد میں پریس کانفرنس میں انہوں نے کہا کہ پی ٹی آئی والوں سے کہا تھا کہ آپ کو جو بھی احتجاج یا جلسہ کرنا ہے وہ شنگھائی تعاون تنظیم کے اجلاس کے بعد کرلیں، لیکن وہ بضد رہے۔ ان کا مقصد اس کانفرنس کی عزت افزائی کو ناکام کرنا ہے، ورنہ وہ احتجاج دس دن بعد کرلیتے۔

یہ بھی پڑھیں: جامعہ دارالعلوم حقانیہ اکوڑہ خٹک میں “خدمات مولانا سمیع الحق شہیدکانفرنس” مولانا حامد الحق حقانی، سراج الحق اور دیگر کا خطاب

حفاظتی اقدامات

انہوں نے کہا کہ کچھ نہیں ہوگا بس ہنگامہ ہوگا، وہ چاہتے ہیں دو چار لاشیں گریں اور ہماری کوشش ہے کہ انہیں کوئی لاش نہ ملے اور کسی کی جان نہ جائے۔ اس کا سب سے بڑا ثبوت پولیس کو اسلحہ نہ دینا ہے۔

یہ بھی پڑھیں: انجمن محبانِ رحمة للعالمین ﷺ کے زیرِ اہتمام ریاض میں پرُوقار سیرت النبی ﷺ سیمینار کا انعقاد

پی ٹی آئی کا دھاوا

خواجہ آصف نے کہا کہ اسلام آباد پر پی ٹی آئی کا دھاوا دشمن قوتوں کا حملہ سمجھتے ہیں۔ طالبان کے مسلح جتھے پی ٹی آئی کے ساتھ آرہے ہیں، ہم ان مسلح جتھوں کا ہر قیمت پر جواب دیں گے اور انہیں الٹا کر ان سے حساب لیں گے۔

یہ بھی پڑھیں: ایرانی حملوں کے بعد اسرائیل کی فضا تبدیل، لوگوں میں نیا احساس جنم لینے لگا، دفاعی نظام پر اعتماد متزلزل ہوگیا، بی بی سی کا تہلکہ خیز انکشاف

وزیراعلیٰ کا کردار

وزیر دفاع نے کہا کہ وزیراعلیٰ علی امین گنڈاپور سرکاری وسائل استعمال کررہے ہیں۔ سینکڑوں افغان باشندے بھی اس جتھے کا حصہ ہیں اور یہ مسلح جتھے ملکی وقار کو نشانہ بنانے کے درپے ہیں۔ طالبان پی ٹی آئی کے سہولت کار ہیں۔

عمران خان کی دعوت

خواجہ آصف نے کہا کہ عمران خان کا اصل چہرہ عوام کے سامنے آگیا۔ انہوں نے کس بنیاد پر بھارتی وزیر خارجہ کو احتجاج میں شرکت کی دعوت دی؟ پی ٹی آئی والے دل میں جاکر جلسہ کریں اور مودی کو بلالیں۔ پی ٹی آئی کا والی وارث جے شنکر اور مودی ہے۔ بھارتی وزیر خارجہ کو اپنے احتجاج میں مدعو کرنا پی ٹی آئی کی ساکھ پر سوالیہ نشان ہے، حالانکہ ہمارا تو یہ حال ہے کہ ہم عالمی فورمز پر آمنے سامنے ہوں تو ہاتھ ملانے سے گریز کرتے ہیں۔