صحت کی خرابی، ڈی جی نیب لاہور سلیم شہزاد نے عہدہ چھوڑ دیا

سلیم شہزاد کا استعفیٰ

اسلام آباد(ڈیلی پاکستان آن لائن) قومی احساب بیورو کے ڈائریکٹر جنرل لاہور سلیم شہزاد نے استعفیٰ دے دیا۔

یہ بھی پڑھیں: یونانیوں اور رومنوں نے فرعونوں سے یہ علاقہ چھین کر حکومت قائم کی، روایتیں بھی ساتھ لائے، مردوں کو حنوط کرنے اور ممی بنانے کے فن کو مزید نفاست دی

استعفیٰ کی تفصیلات

جیو نیوز کے مطابق، ڈی جی نیب لاہور سلیم شہزاد نے 4 صفحات پر مشتمل استعفیٰ چئیرمین نیب کو ارسال کیا ہے۔ جس میں لکھا گیا ہے کہ صحت اور کچھ اور وجوہات کے باعث وہ مزید نیب میں رہ نہیں سکتے۔ انہوں نے کہا کہ بھاری دل کے ساتھ استعفیٰ دے رہے ہیں، الحمدللہ میرے خلاف کرپشن الزامات میں سے کچھ بھی ثابت نہ ہو سکا۔

یہ بھی پڑھیں: شارجہ: آبِ زم زم کے نام پر عام پانی فروخت کرنے والا ملزم گرفتار

سلیم شہزاد کا کیریئر

سلیم شہزاد کا کہنا تھا کہ انہوں نے فوج سے انجری کے بعد بطور میجر ریٹائرمنٹ لی، وہ 1999 میں نیب کے بانی ممبران میں سے ایک تھے اور 18ویں گریڈ کے افسر کے طور پر کیریئر کا آغاز کیا۔ وہ 21 گریڈ میں ڈی جی کی پوسٹ تک پہنچے اور ڈی جی نیب خیبرپختونخوا کے طور پر انہوں نے کارکردگی کے سارے ریکارڈ توڑے۔

نیب لاہور کے دوران کارکردگی

سلیم شہزاد کے مطابق، وہ اپریل 2017 میں ڈی جی نیب لاہور تعینات ہوئے اور بطور ڈی جی نیب لاہور 5 سال مسلسل عہدے پر برقرار رہے۔ اس دوران انہوں نے میگا کرپشن کیسز پر کارروائی کی اور ادراک تھا کہ جن کے خلاف کارروائی کررہے ہیں ان کا ردعمل آئے گا۔ انہوں نے لاہور میں عوام کے لیے کام کیا اور 947 ارب روپے کے برابر برآمدگیاں کرائیں، جبکہ مجھ سے پہلے لاہور میں مختلف ادوار کے 17 سال میں صرف 44 ارب روپے کی برآمدگیاں ہوسکی تھیں۔