سینئر اداکار عشرت عباس دل کا دورہ پڑنے سے انتقال کرگئے
انتقال کی خبر
پشاور ( ڈیلی پاکستان آن لائن ) پاکستان ٹیلی وژن کے سینئر اداکار عشرت عباس دل کا دورہ پڑنے سے انتقال کرگئے۔
یہ بھی پڑھیں: آسٹریلیا نے پاکستان کو ٹی ٹوئنٹی سیریز میں شکست دی: کیا پاکستان بار بار نئی شروعات کرتا رہے گا؟
فنی سفر
عشرت عباس نے ریڈیو پاکستان کے ڈراموں میں بھی اپنی صداکاری کے جوہر دکھائے۔ 4 دہائیوں سے زائد عرصے تک پی ٹی وی کے اردو، پشتو اور ہندکو ڈراموں میں شاندار اداکاری سے ناظرین کو مسحور کیے رکھا۔ انہیں اچھی فنکارانہ صلاحیتوں پر صدارتی تمغۂ حسن کارکردگی سے نوازا گیا تھا۔ اس کے علاوہ انہیں فنونِ لطیفہ میں نمایاں خدمات پر بھی کئی اعزازات سے نوازا گیا۔
نماز جنازہ اور خاندانی ذرائع
’’جنگ‘‘ کے مطابق خاندانی ذرائع نے بتایا کہ اداکار عشرت عباس کی نماز جنازہ گورنمنٹ کالج گراؤنڈ فقیر آباد پشاور میں ادا کی گئی۔ فن و ادب سے وابستہ شخصیات نے ان کے انتقال پرگہرے دکھ اور افسوس کا اظہار کرتے ہوئے مغفرت کی دعا کی ہے۔
