پنجاب کے سیلاب متاثرین میں وبائی امراض تیزی سے پھیلنے لگے، 24 گھنٹوں میں 33 ہزار سے زائد مریض رپورٹ

سیلاب زدہ علاقوں میں وبائی امراض

لاہور (ڈیلی پاکستان آن لائن) پنجاب کے سیلاب زدہ علاقوں میں وبائی امراض تیزی سے پھیلنے لگے۔

یہ بھی پڑھیں: علی امین گنڈاپور اور بیرسٹر گوہر کی بانی پی ٹی آئی سے 2گھنٹے طویل ملاقات

بیماریوں کی تعداد

24 گھنٹوں کے دوران بخار، جلدی امراض، آشوب چشم، ڈائریا، سانپ اور کتے کے کاٹنے کے 33 ہزار سے زائد مریض رپورٹ ہوئے ہیں۔ سیلاب زدہ علاقوں میں مختلف بیماریوں کے مریضوں کی تعداد 7 لاکھ 55 ہزار ہوگئی۔

یہ بھی پڑھیں: جو معاشرہ سچ سے جتنا دور ہوتا ہے وہ سچ بولنے والوں سے اتنی ہی نفرت کرتا ہے۔ ویسے بھی ناکامی سوتیلی ہوتی ہے اور کامیابی کے سو رشتہ دار۔

رپورٹ کی تفصیلات

رپورٹ کے مطابق 24 گھنٹوں کے دوران سانس کی تکلیف کے ساتھ 5 ہزار مریض، بخار کے ساتھ 4300، جلدی الرجی کے 4 ہزار، آشوب چشم کے 700 مریض رپورٹ ہوئے۔

یہ بھی پڑھیں: زمین سے باہر کسی سیارے میں زندگی کی موجودگی کے اب تک کے ٹھوس ترین شواہد دریافت

سانپ اور کتے کے کاٹنے کے کیسز

سانپ کے کاٹنے کے 5 کیسز اور کتے کے کاٹنے کے 20 کیسز، ڈائریا کے 1900 سے زائد مریض سامنے آئے۔

محکمہ صحت کی مہم

محکمہ صحت پنجاب کے مطابق سیلاب زدہ علاقوں میں 405 فکس کیمپس میں 2 لاکھ 79 ہزار مریضوں کا طبی معائنہ کیا گیا۔