محکمہ معدنیات پنجاب نے مالی بے ضابطگیوں میں ملوث افراد سے رقم وصول کرلی

محکمہ معدنیات کی کامیاب ریکوری

لاہور(ڈیلی پاکستان آن لائن) پبلک اکاؤنٹس کمیٹی کے اقدام پر محکمہ معدنیات پنجاب نے مالی بے ضابطگیوں میں ملوث افراد سے رقم وصول کر لی۔

یہ بھی پڑھیں: سانحہ سوات: خیبر پختونخوا حکومت نے بلآخر ہنگامی صورتحال کیلئے ڈرون حاصل کرلیا

رقم کی وصولی کی تفصیلات

نجی ٹی وی سما نیوز کے مطابق، محکمہ معدنیات پنجاب نے 202 کروڑ روپے کی بے ضابطگیوں کے معاملات نمٹادئے ہیں۔ محکمہ نے ریکوری رپورٹ پبلک اکاؤنٹس کمیٹی کو بھیج دی ہے۔

یہ بھی پڑھیں: بنوں میں سیکیورٹی فورسز کا آپریشن ، 3 خوارج ہلاک، 2 زخمی، اسلحہ، گولہ بارود اور دھماکا خیز مواد برآمد

مختلف معاملات میں وصول کی گئی رقم

سٹورز آئٹمز کی مد میں 65 لاکھ روپے وصول کرلیے گئے ہیں، جبکہ ٹھیکیدار سے 35 لاکھ 19 ہزار روپے کی رقم بھی وصول کی گئی ہے۔ مزید برآں، غیر قانونی کوئلہ نکالنے پر 5 کروڑ 58 لاکھ 50 ہزار روپے کی ریکوری کرلی گئی ہے۔

آڈٹ پیرا جات کی کلیئرنس

نمک کی کم قیمت مقرر کرنے پر 13 کروڑ 69 لاکھ 59 ہزار روپے کا آڈٹ پیرا بھی سیٹل ہوگیا ہے۔