ترقی پذیر ممالک کے لیے ٹیکنالوجی کوئی عیاشی نہیں بلکہ بقا کی شرط ہے: بلال بن ثاقب

وزیر مملکت کا بیان

نیویارک (ویب ڈیسک) وزیر مملکت برائے کرپٹو کرنسی اور بلاک چین بلال بن ثاقب نے کہاہے کہ ترقی پذیر ممالک کے لیے ٹیکنالوجی کوئی عیاشی نہیں بلکہ بقا کی شرط ہے، پاکستان پیچھے نہیں، قیادت کے لیے تیار ہے۔

یہ بھی پڑھیں: 10 ہزار بچوں کا باپ، دنیا میں سب سے بڑی جسامت، سب سے زیادہ عمر، آدم خور مگر مچھ کی 124 ویں سالگرہ

اقوام متحدہ جنرل اسمبلی میں گفتگو

اقوام متحدہ جنرل اسمبلی میں بلال بن ثاقب نے کہاکہ نوجوان ڈیجیٹل ذرائع سے مستقبل تعمیر کر رہے ہیں، ہمیں انہیں عالمی معیشت سے جوڑنا ہے۔ کرپٹو، بلاک چین اور اے آئی ترقی کی نئی بنیاد ہیں۔ پاکستان اب ترقیاتی ایجنڈوں کا محتاج نہیں، بلکہ ماڈلز اور خیالات کا خالق ہے۔ عالمی جنوب کو ٹیکنالوجی میں برابر کا موقع ملنا چاہیے۔

یہ بھی پڑھیں: مسیحیوں کے قتل عام کا الزام، ٹرمپ کی نائیجیریا میں فوجی کارروائی کی دھمکی

UNGA80 میں مطالبات

بلال بن ثاقب نے UNGA80 میں مطالبہ کیاکہ ترقی پذیر ممالک کو ٹیکنالوجی میں مساوی رسائی ملنی چاہیے، نوجوان ترسیلات اور ڈیجیٹل ذرائع سے اپنی تقدیر بدل رہے ہیں۔

مشاہیر سے ملاقات

اس موقع پر بلال بن ثاقب نے نوبل انعام یافتہ محمد یونس، مائیکروسافٹ کے صدر بریڈ اسمتھ اور قازق وزیر ڈیجیٹل ڈویلپمنٹ سے بھی ملاقات کی، جس میں ان کا کہناتھا کہ نوجوانوں، سوشل بزنس اور ٹیکنالوجی کے ملاپ سے غربت اور ناہمواری ختم کی جا سکتی ہے۔