جیت کا کریڈٹ شاہین آفریدی کو دینا چاہیے، انہوں نے اچھی کپتانی کی، ہیڈ کوچ مائیک ہیسن

پاکستان ٹیم کے ہیڈ کوچ کا بیان

فیصل آباد(ڈیلی پاکستان آن لائن)پاکستان ٹیم کے ہیڈ کوچ مائیک ہیسن نے کہا ہے کہ سری لنکا کے خلاف سیریز میں حسن نواز ٹیم کا حصہ نہیں ہوں گے۔جنوبی افریقہ سے ون ڈے سیریز کی فتح کے بعد پریس کانفرنس میں مائیک ہیسن نے کہا کہ بابر اعظم آؤٹ آف فارم نہیں ہیں، بدقسمتی سے آج وہ رن آؤٹ ہوئے اور اس کا تعلق فارم سے نہیں۔

یہ بھی پڑھیں: پنجاب: وزراء کی تنخواہ میں اضافے کے بعد لیو الاؤنس بھی بڑھانے کا فیصلہ

بابر اعظم کی کارکردگی

انہوں نے کہا کہ آج بھی بابر اعظم اچھے ٹچ میں لگ رہے تھے، پریشر کو اچھا ہینڈل کیا۔ امید ہے کہ وہ آنے والی سیریز میں رنز کریں گے۔

یہ بھی پڑھیں: بھارتی حملوں سے نقصانات کی رپورٹ تیار کرنے کی ہدایت

کپتان کی تعریف

ہیڈ کوچ نے مزید کہا کہ جیت کا کریڈٹ کپتان شاہین آفریدی کو دینا چاہیے، انہوں نے اچھی کپتانی کی، کنڈیشنز سمجھ کر بولنگ میں اچھی تبدیلیاں کیں۔ بابر اعظم اور صائم ایوب نے پریشر کو اچھے طریقے سے ہینڈل کیا۔

سری لنکا کے خلاف اسکواڈ کی تبدیلی

مائیک ہیسن نے یہ بھی کہا کہ سری لنکا کے خلاف عبدالصمد کو اسکواڈ میں شامل کیا جائے گا۔ وہ ہانگ کانگ سکسز میں شرکت کے بعد اسکواڈ کو جوائن کریں گے۔ سری لنکا کے خلاف ٹیم میں تبدیلی ہوگی، سیریز میں حسن نواز نہیں ہوں گے، وہ فرسٹ کلاس کرکٹ کھیلیں، اچھے کھلاڑی ہیں۔