جسٹس فاروق حیدر نے یوٹیوبر سعد الرحمان عرف ڈکی بھائی کی درخواست ضمانت پر سماعت سے معذرت کرلی

سماعت میں معذرت

لاہور (ڈیلی پاکستان آن لائن) ہائیکورٹ کے جسٹس فاروق حیدر نے جوا ایپ کی تشہیر کے معاملے میں یوٹیوبر سعد الرحمان عرف ڈکی بھائی کی ضمانت کی درخواست پر سماعت سے معذرت کر لی ہے۔ انہوں نے فائل چیف جسٹس کو ارسال کر دی ہے۔

یہ بھی پڑھیں: عمران خان کی سیاست جھوٹ اور بہتان کے سوا کچھ نہیں تھی، تمام فیصلے بشریٰ بی بی کرتی تھیں: عطا تارڑ

ڈکی بھائی کی ضمانت کی درخواست

یوٹیوبر سعد الرحمان عرف ڈکی بھائی کی درخواست ضمانت میں این سی سی آئی اے سمیت دیگر کو فریق بنایا گیا ہے۔ ڈکی بھائی کی جانب سے ایڈووکیٹ عمران چدھڑ عدالت میں پیش ہوئے۔ وکیل نے موقف اختیار کیا کہ این سی سی آئی اے نے کبھی نوٹس بھجوا کر طلب نہیں کیا۔ درخواست گزار جسمانی ریمانڈ پر 10 روز تک این سی سی آئی اے کی تحویل میں رہا، لہذا ضمانت پر رہا کیا جائے۔

جسٹس فاروق حیدر کا بیان

دوران سماعت جسٹس فاروق حیدر نے کہا کہ وہ ذاتی طور پر اس کیس کی سماعت سے معذرت کر رہے ہیں۔ انہوں نے کیس کسی دوسری جج کے پاس لگانے کے لیے فائل چیف جسٹس کو ارسال کر دی۔