پمز ہسپتال میں پہلی روبوٹک سرجری کامیابی سے مکمل کر لی گئی

تاریخی کامیابی

اسلام آباد (ڈیلی پاکستان آن لائن) اسلام آباد کی تاریخ میں پہلی مرتبہ روبوٹک سرجری کامیابی سے مکمل کر لی گئی۔

یہ بھی پڑھیں: بچوں کو تشدد اور دہشت گردی کے لیے استعمال کرنا انسانیت کے خلاف بدترین جرم ہے، شرمیلا فاروقی

جدید ٹیکنالوجی کا استعمال

پمز اسپتال میں سرجری کے لئے جدید ٹومائے سرجیکل روبوٹ کا استعمال کیا گیا اور اس سرجری میں برطانیہ کے بین الاقوامی ماہرین نے بھی حصہ لیا۔

یہ بھی پڑھیں: پاکستان کی فضائی حدود عارضی طور پر بند ، ایئرپورٹس اتھارٹی کا اعلان

مقامی ماہرین کی شمولیت

پمز کے پروفیسر شمیم خان، پروفیسر متین شریف اور ڈاکٹر جاوید برکی نے رہنمائی کی، جبکہ پمز کے ماہرین ڈاکٹر عاطف انعام شامی، ڈاکٹر برہان الحق اور ڈاکٹر خالد سعید نے بھی اس میں شرکت کی۔

یہ بھی پڑھیں: فیصل آباد؛ الائیڈ ہسپتال کی او پی ڈی کے باہر فائرنگ، 2 بھائیوں سمیت 3 افراد جاں بحق

روبوٹک سرجری کی فوائد

ڈائریکٹر روبوٹک سرجری ڈاکٹر متین شریف نے پمز اسپتال میں میڈیا سے گفتگو کرتے ہوئے کہا کہ روبوٹک سرجری سے پیچیدہ آپریشن اب زیادہ محفوظ اور مؤثر ہوں گے۔

یہ بھی پڑھیں: پاکستان نے اپنی ڈیجیٹل کرنسی کے اجراء کیلئے جاپانی کمپنی کو منتخب کر لیا

روبوٹ کا تعارف

ڈاکٹر متین کے مطابق ٹومائے نام کا یہ روبوٹ چین میں تیار کیا گیا ہے، اور اس کا مشن یہ ہے کہ روبوٹک سرجری پورے پاکستان میں شروع کی جائے۔

حکومت کی حمایت

انہوں نے مزید کہا کہ حکومت ہمیں سپورٹ کر رہی ہے، اور ایک خاتون مریضہ کا روبوٹک آپریشن بھی کیا گیا۔ روبوٹک سرجری کی بدولت مریض بہت جلد صحت یاب ہو جائے گا۔