پنجاب کی تمام شوگر ملز میں کرشنگ کا آغاز، چینی کی قیمتوں میں کمی متوقع

پنجاب میں شوگر ملز کا کرشنگ کا آغاز

لاہور(ڈیلی پاکستان آن لائن) پنجاب حکومت کے نوٹیفکیشن اور ایکشن کے بعد صوبے کی تمام 41 شوگر ملز نے کرشنگ کا آغاز کر دیا۔

یہ بھی پڑھیں: پی ٹی اے کا موبائل سمز کے غیرقانونی اجرا میں ملوث ملزمان کے خلاف کریک ڈاؤن

کرشنگ اور گنا خریداری کی صورتحال

نجی ٹی وی چینل دنیا نیوز کے مطابق ذرائع کین کمشنر کا کہنا ہے کہ لاہور کی باقی 12 ملوں نے کسانوں سے گنا خریداری اور کرشنگ شروع کر دی، چینی کی بازار میں نئی سپلائی آنے سے نرخوں میں 10 روپے تک فوری کمی کا امکان ہے۔

یہ بھی پڑھیں: ڈاکٹرز نے بھی بحریہ ٹاؤن میں پروجیکٹ لانچ کر دیا، 1 اور 2 بیڈ اپارٹمنٹس، اتنے سستے جو آپ کو پورے بحریہ میں نہیں ملیں گے.

چینی کی فراوانی اور بلیک مارکیٹ کا خاتمہ

ذرائع کا مزید کہنا تھا کہ کرشنگ سے چینی کی بلیک میں فروخت اور مصنوعی قلت کا خاتمہ ہو سکے گا۔

یہ بھی پڑھیں: چئیرپرسن پنجاب ویمن پروٹیکشن اتھارٹی باپ اور بھائیوں کے ہاتھوں قتل ہونیوالی لڑکی کے گھر پہنچ گئیں، ایسے سفاک جرائم پر خاموش نہیں بیٹھ سکتے: حنا پرویز بٹ

حکومت کی کارروائی اور ملز کی ذمہ داریاں

واضح رہے کہ قبل ازیں کین کمشنر نے حکومتی ڈیڈلائن پر کرشنگ کا آغاز نہ کرنے والی شوگر ملز کے خلاف کارروائی کا اعلان کیا تھا۔

کسانوں کے حقوق کی حفاظت

دوسری جانب چیئرمین کسان اتحاد خالد باٹھ نے الزام عائد کیا ہے کہ ملز مالکان تاخیر سے کرشنگ شروع کر کے کسانوں سے سستے داموں گنا خریدنے کی کوشش کریں گے۔