رنویر سنگھ نے مداحوں سے معافی کیوں مانگی؟
رنویر سنگھ کی معافی
ممبئی(ڈیلی پاکستان آن لائن) بالی ووڈ کے معروف اداکار رنویر سنگھ نے مداحوں سے معافی مانگ لی۔
یہ بھی پڑھیں: بھارت میں وینٹی لیٹر پر موجود بیمار ایئرہوسٹس کو زیادتی کا نشانہ بنایا گیا
تنقید کا سامنا
رنویر سنگھ کو گوا میں منعقد ہونے والی انٹرنیشنل فلم فیسٹیول کی اختتامی تقریب کے دوران فلم ’کنتارا: اے لیجنڈ - باب 1‘ میں دکھائی گئی ہندوؤں کی ایک مقدس مذہبی رسم کی نقل اتارنے پر شدید تنقید کا سامنا کرنا پڑا۔
یہ بھی پڑھیں: لگتا ہے تمام چیزوں پر کنٹرول حاصل کرنے کی کوشش کی جارہی ہے، سندھ ہائی کورٹ کے عارف علوی کا کلینک سیل کرنے کیخلاف درخواست پر ریمارکس
معافی کی وجوہات
اداکار نے شدید تنقید کا سامنا کرنے کے بعد اپنی انسٹا اسٹوری پر مداحوں سے معافی مانگتے ہوئے لکھا کہ میرا مقصد فلم میں رشب شیٹی کی ناقابل یقین کارکردگی کو سراہنا تھا کیونکہ بطور اداکار میں جانتا ہوں کہ اس مخصوص سین کو جس طرح اُنہوں نے نبھایا اس کے لیے اُنہوں نے کتنی محنت کی ہوگی اور اس کے لیے میں ان کا معترف ہوں۔
یہ بھی پڑھیں: امریکہ کے ساتھ جوہری مذاکرات کے نتائج نکلنے کا امکان نہیں: خامنہ ای
ثقافت اور روایات کی اہمیت
اُنہوں نے مزید لکھا کہ ہمارے ملک میں ہمیشہ ہر ثقافت، روایت اور عقائد کا دل کی گہرائیوں سے احترام کیا گیا ہے۔
یہ بھی پڑھیں: دنیا کے سب سے بڑے انسانی پرچم کا ریکارڈ پاکستان کے نام
جذبات کی اہمیت
رنویر سنگھ نے یہ بھی لکھا کہ اگر میں نے کسی کے جذبات کو ٹھیس پہنچائی ہے تو میں تہہ دل سے معذرت خواہ ہوں۔
تنازع کی پس منظر
واضح رہے کہ اداکار کے ہندوؤں کی مقدس رسم کی نقل اتارنے کو بھارت کی ٹولو کمیونٹی کے اراکین نے مقدس رسم کی بے عزتی قرار دیا تھا۔
رنویر سنگھ نے جس رسم کی نقل اتاری اسے بھارتی ریاست کرناٹک میں مقدس سمجھا جاتا ہے۔
