ہم اسٹیبلشمنٹ اور بیوروکریسی کو دشمن نہیں سمجھتے،کسی ادارے یا حکمران کی غلطی کو غلط کہنا ہمارا حق ہے،مولانا فضل الرحمان
مولانا فضل الرحمان کا بیان
سکھر (ڈیلی پاکستان آن لائن) جمعیت علماء اسلام (جے یو آئی) کے سربراہ مولانا فضل الرحمان نے کہا ہے کہ ہم اسٹیبلشمنٹ اور بیوروکریسی کو دشمن نہیں سمجھتے۔ کسی ادارے یا حکمران کی غلطی کو غلط کہنا ہمارا حق ہے۔
یہ بھی پڑھیں: اسحاق ڈار کا ترک وزیر خارجہ سے رابطہ، علاقائی پیشرفت پر تبادلہ خیال
دستار فضیلت کانفرنس میں خطاب
سکھر میں دستار فضیلت کانفرنس سے خطاب کرتے ہوئے مولانا فضل الرحمان نے کہا کہ ہماری پاکستان سے وفاداری اور دوستی کو تسلیم کیا جائے۔ ہم خوشامدی سیاست کے قائل نہیں ہیں اور حق بات کریں گے۔ دینی مدارس قائم کریں گے اور جے یو آئی کی جدوجہد جاری رہے گی۔
حکمرانوں سے درخواست
مولانا فضل الرحمان نے مزید کہا کہ حکمران امریکا کی سوچ کو بغیر سمجھے اپناتے ہیں۔ انہیں چاہیے کہ وہ مغرب کی نہیں بلکہ اسلام کی پیروی کریں۔
