گورنر خیبر پختونخوا فیصل کریم کنڈی سے مسلم لیگ (ق) کے صوبائی صدر انتخاب خان چمکنی کی ملاقات

پشاور میں ملاقات

پشاور (ڈیلی پاکستان آن لائن) گورنر خیبر پختونخوا فیصل کریم کنڈی سے مسلم لیگ (ق) کے صوبائی صدر انتخاب خان چمکنی نے گورنر ہاؤس پشاور میں ملاقات کی۔

یہ بھی پڑھیں: سپیکر قومی اسمبلی سردار ایاز صادق نے جوڈیشل کمیشن ممبر کے لئے سروپ اعجاز کا نام بھجوا دیا

امن و امان اور سیاسی صورتحال

گورنر ہاؤس کی ترجمان کے مطابق ملاقات میں صوبہ میں امن و امان کی صورتحال اور سیاسی صورتحال پر تبادلۂ خیال کیا گیا۔ اس دوران پشاور میں لوڈ شیڈنگ سے متعلق عوام کو مشکلات کا سامنا اور گیس کی سپلائی سے متعلق مسائل پر بھی گفتگو ہوئی۔ گورنر نے ان مسائل کے حل کے لیے متعلقہ حکام کو ہدایات جاری کیں۔

یہ بھی پڑھیں: امریکا نے شام پر عائد پابندیاں باضابطہ طور پر اٹھالیں

بجلی چوری کا خاتمہ

''اے پی پی'' کے مطابق گورنر خیبرپختونخوا نے کہا کہ بجلی چوری کا خاتمہ انتہائی ضروری ہے۔ صوبے میں واپڈا کی 24 ہزار اسامیوں میں 14 ہزار خالی ہیں، ان پر تعیناتیاں انتہائی ضروری ہیں۔ وفاقی حکومت اس حوالے سے کردار ادا کرے۔

سیکیورٹی فورسز کی قربانیاں

صوبے میں قیام امن کے لیے سیکیورٹی فورسز کی قربانیاں ناقابل فراموش ہیں۔ بدامنی کا خاتمہ صوبہ کی ترقی اور عوامی خوشحالی کے لیے انتہائی ضروری ہے۔ سیاسی جماعتوں کا اتحاد بھی بہت اہم ہے۔