پنجاب اسمبلی کو شریف خاندان کی ذاتی جاگیر سمجھنے والوں نے آئین، جمہوریت اور پارلیمانی روایات کو پامال کر دیا ہے،شوکت بسرا
پی ٹی آئی کے شوکت محمود بسرا کا بیان
لاہور (ڈیلی پاکستان آن لائن) پی ٹی آئی کے ڈپٹی سیکرٹری جنرل اور سیکرٹری انفارمیشن پنجاب شوکت محمود بسراء کا کہنا ہے کہ فارم 47 کی بنیاد پر مسلط کی گئی جعلی وزیر اعلیٰ کے غلام جعلی اسپیکر کی پریس کانفرنس سیاسی بوکھلاہٹ اور شکست خوردہ ذہنیت کا ثبوت ہے۔ پنجاب اسمبلی کو شریف خاندان کی ذاتی جاگیر سمجھنے والوں نے آئین، جمہوریت اور پارلیمانی روایات کو پامال کر دیا ہے۔
یہ بھی پڑھیں: پولٹری انڈسٹری کے لیے بری خبر، برائلر فیڈ کی قیمتوں میں اضافہ، نوٹیفکیشن جاری
بدسلوکی کا معاملہ
نیز، انہوں نے کہا کہ خیبر پختونخوا کے منتخب وزیراعلیٰ، وزراء اور مہمانوں کے ساتھ بدسلوکی، دھکے اور گالم گلوچ ناقابلِ قبول اور شرمناک فعل ہے۔ اسمبلی میں نام نہاد صحافیوں کے روپ میں سیاسی غنڈوں کو داخل کرنا ایک منظم سازش تھی جس کا مقصد تضحیک اور اشتعال پھیلانا تھا۔ منتخب نمائندوں سے تضحیک آمیز اور گھٹیا سوالات پوچھنا نہ صحافت ہے اور نہ ہی جمہوریت، بلکہ شریف خاندان کی پرانی روایت ہے۔
معافی کی درخواست
فارم 47 کی جعلی وزیر اعلیٰ اور ان کے نوکر فارم 47 کے جعلی اسپیکر کو اس واقعے پر فوری طور پر قوم اور خیبر پختونخوا کے عوام سے معافی مانگنی چاہیے۔
شوکت محمود بسراء ڈپٹی سیکرٹری جنرل۔سیکرٹری انفارمیشن پنجاب پالستان تحریک انصاف
⬅️ فارم 47 کی بنیاد پر مسلط کی گئی جعلی وزیر اعلیٰ کے غلام جعلی اسپیکر کی پریس کانفرنس سیاسی بوکھلاہٹ اور شکست خوردہ ذہنیت کا ثبوت ہے۔
⬅️ پنجاب اسمبلی کو شریف خاندان کی ذاتی جاگیر سمجھنے والوں نے آئین،…— Shaukat Basra (@sh_basra) December 30, 2025
