رجب بٹ کے خلاف ایف آئی آر درج نہ ہونے پر کراچی میں وکلا نے ہڑتال کا اعلان کر دیا

کراچی میں وکلا کی ہڑتال

کراچی (ڈیلی پاکستان آن لائن) رجب بٹ کے خلاف ایف آئی آر درج نہ ہونے پر کراچی میں وکلا نے بدھ کے روز سٹی کورٹ میں ہڑتال کا اعلان کر دیا ہے۔

یہ بھی پڑھیں: خاتون اپنے عاشق کے ساتھ رنگے ہاتھوں پکڑی گئی، شوہر نے اسی سے شادی کروادی

صدر کراچی بار کا اعلان

صدر کراچی بار عامر وڑائچ نے کہا ہے کہ بدھ کے روز کسی بھی پولیس اہلکار کو سٹی کورٹ میں داخل نہیں ہونے دیا جائے گا۔ ان کا کہنا تھا کہ جب تک وکلا کی درخواست پر رجب بٹ کے خلاف مقدمہ درج نہیں ہوتا، احتجاج جاری رہے گا۔

یہ بھی پڑھیں: پنجاب حکومت کی طرف سے طیارہ خریدنے کا معاملہ، رانا ثنا اللہ کا موقف بھی آگیا

ہنگامی اجلاس کی طلبی

وکلا نے کل صبح 11 بجے سٹی کورٹ میں ہنگامی اجلاس بھی طلب کر لیا ہے۔ صدر کراچی بار کے مطابق اجلاس کے بعد آئندہ کا لائحہ عمل طے کیا جائے گا۔

یہ بھی پڑھیں: باجوڑ میں ڈی ایچ او کے گھر کے قریب بم دھماکا

وکلا کے خلاف مقدمے کی خبر

اس سے قبل عامر وڑائچ کا کہنا تھا کہ آج صبح معلوم ہوا کہ وکلا کے خلاف مقدمہ درج کر لیا گیا ہے، جبکہ وکلا کی جانب سے بھی ایف آئی آر درج ہونی چاہیے۔ اگر ایسا نہ ہوا تو احتجاج کا دائرہ مزید وسیع کیا جائے گا۔

یہ بھی پڑھیں: انتقام کو اپنا جائز حق اور فرض سمجھتے ہیں، امریکی اور اسرائیلی حملوں کے بعد ایرانی صدر کا پہلا بیان

احتجاج کا اثر

نجی ٹی وی جیو نیوز کے مطابق وکلا کی جانب سے سٹی کورٹ کے باہر ایم اے جناح روڈ پر احتجاج کیا گیا، جس کے باعث ایم اے جناح روڈ اور ملحقہ سڑکوں پر ٹریفک کی روانی بری طرح متاثر ہوئی۔

یہ بھی پڑھیں: جناح ہاؤس حملہ کیس میں پی ٹی آئی کے 254 رہنماؤں اور کارکنوں پر فرد جرم عائد

تشدد کا مقدمہ

واضح رہے کہ گزشتہ روز سٹی کورٹ میں یوٹیوبر رجب بٹ پر تشدد کے واقعے کے بعد 15 سے زائد وکلا کے خلاف مقدمہ درج کیا گیا تھا۔

مقدمے کی تفصیلات

یہ مقدمہ رجب بٹ کے وکیل میاں علی اشفاق ایڈووکیٹ نے تھانہ سٹی کورٹ میں درج کروایا، جس میں تشدد، مارپیٹ، جان سے مارنے کی دھمکیاں اور دیگر دفعات شامل کی گئی ہیں۔ مقدمے میں ریاض علی سولنگی، فتح چانڈیو سمیت دیگر افراد کو نامزد کیا گیا ہے۔

مقدمے کے متن کے مطابق تشدد کے دوران رجب بٹ کے تین لاکھ روپے بھی غائب ہو گئے۔