انشاءاللہ آج کراچی کی تاریخ کا بڑا جلسہ ہوگا اور جس کو یہ روکنے کی ہر ممکن کوشش کر رہے ہیں وہ جلسہ تو ہوگا، وزیراعلیٰ سہیل آفریدی

وزیراعلیٰ خیبرپختونخوا کا پیغام

کراچی (ڈیلی پاکستان آن لائن) وزیراعلیٰ خیبرپختونخوا محمد سہیل خان آفریدی نے کراچی کے عوام کے نام ایک خصوصی پیغام میں کہا ہے کہ میرے کراچی کے غیرت مند پاکستانیو، ہم اپنی رہائش گاہ سے روانہ ہوچکے ہیں اور جلسہ گاہ کی طرف جا رہے ہیں۔ انشاءاللہ تعالی آج کراچی کی تاریخ کا بڑا جلسہ ہوگا اور جس کو یہ روکنے کی ہر ممکن کوشش کر رہے ہیں، وہ جلسہ تو ہوگا۔

یہ بھی پڑھیں: ہم جو ملاقات کی بھیک مانگ رہے ہیں اس میں دوسروں کے ساتھ اپنوں کا بھی ہاتھ ہے، ہرباراڈیالہ کے باہر سے مایوس ہوکر واپس جاتے ہیں، بیرسٹر گوہر

جلسے کا راستہ

اپنے ویڈیو بیان میں انہوں نے کہا کہ ہم بلدیہ ٹاؤن کیماڑی جا رہے ہیں، وہاں سے ہوتے ہوئے ہم پھر بنارس چوک ڈسٹرکٹ ویسٹ جائیں گے۔ اس کے بعد پھر گولیمار ڈسٹرکٹ سنٹرل اور پھر گورو مندر ڈسٹرکٹ سے ہوتے ہوئے مزار قائد آرہے ہیں۔ تو تمام ساتھی، کارکن اور عوام جو ان علاقوں کے ارد گرد ہیں، ان مقامات پر ہمارے ساتھ شامل ہوں۔ انشاءاللہ تعالی ہم بہت جلد آپ کے ساتھ ہوں گے اور ایک ساتھ مزار قائد جلسہ گاہ کا رخ کریں گے۔

وزیراعلیٰ کا ٹویٹر پیغام

وزیراعلیٰ خیبرپختونخوا محمد سہیل خان آفریدی کا کراچی کے غیرت مند عوام کے نام خصوصی پیغام!

میرے کراچی کے غیرت مند پاکستانیو، ہم اپنی رہائش گاہ سے روانہ ہوچکے ہیں اور جلسہ گاہ کی طرف جا رہے ہیں۔

انشاءاللہ تعالی آج کراچی کی تاریخ کا بڑا جلسہ ہوگا اور یہ جلسہ جس کو یہ روکنے کی… pic.twitter.com/mu6AFXoVFc

— Shafi Jan (@ShafiJanPTI) January 11, 2026