ابھیشک شرما نے ٹی ٹوئنٹی کرکٹ میں نیا ریکارڈ قائم کر دیا

ابھیشک شرما کا نیا ریکارڈ

ناگپور(ڈیلی پاکستان آن لائن)ابھیشک شرما نے ٹی ٹوئنٹی کرکٹ میں نیا ریکارڈ قائم کر دیا۔

یہ بھی پڑھیں: وسطی میکسیکو میں مسافر بس گہری کھائی میں جاگری، 19 افراد ہلاک

ٹی ٹوئنٹی میچ کی تفصیلات

بھارت کے بیٹر نے نیوزی لینڈ کے خلاف سیریز کے پہلے ٹی ٹوئنٹی میچ میں 22 گیندوں پر چار چھکوں اور چار چوکوں کی مدد سے تیز رفتار نصف سنچری بنائی۔

یہ بھی پڑھیں: نوشکی، احمد وال سٹیشن پر مال بردار ٹرین پر راکٹ حملہ، انجن تباہ، پل بھی دھماکے سے اڑا دیاگیا

شرما کی زبردست اننگز

ناگپور میں کھیلے گئے ٹی ٹوئنٹی میچ میں ابھیشک شرما نے 35 گیندوں پر 84 رنز کی اننگز کھیلی۔ انہوں نے ابتدائی 22 گیندوں میں اپنی نصف سنچری مکمل کی۔

یہ بھی پڑھیں: دبئی سے لاہور چاندی کی بھاری کھیپ سمگل کرنے کی کوشش ناکام، ملزم گرفتار

تیز ترین نصف سنچری کا اعزاز

ابھیشک شرما کی یہ نصف سنچری بھارت کی جانب سے نیوزی لینڈ کے خلاف تیز ترین نصف سنچری ہے، اس سے قبل کے ایل راہول اور سابق کپتان روہت شرما نے 23 گیندوں پر نصف سنچری بنانے کا اعزاز حاصل کیا۔

یہ بھی پڑھیں: الخدمت فاؤنڈیشن کا غزہ کی بحالی کیلئے 15 ارب روپے پر مشتمل ’’ری بلڈ غزہ‘‘ پروگرام کا آغاز

نئی تاریخ رقم کرنا

ابھیشک شرما نے اس نصف سنچری کے ساتھ ٹی ٹوئنٹی کرکٹ کی تاریخ میں بھی ایک نیا باب رقم کیا، انہوں نے سوریا کمار یادیو، انگلینڈ کے فل سالٹ اور ویسٹ انڈیز کے ایون لیویس کا ریکارڈ بھی توڑ دیا۔

نصف سنچریاں بنانے کا نیا ریکارڈ

انہوں نے 25 یا اس سے کم گیندوں میں سب سے زیادہ 8 نصف سنچریاں بنانے کا ریکارڈ قائم کر دیا، اس سے قبل سب سے زیادہ تیز ترین نصف سنچریاں بنانے کا ریکارڈ مشترکہ طور پر ابھیشک شرما سمیت دیگر بیٹرز کے پاس تھا۔