آئی سی سی اور بنگلادیش کے درمیان بات چیت جاری ہے، پاکستان کسی کی دھمکیوں سے نہیں ڈرتا اور اپنے مؤقف پر قائم ہے، محسن نقوی

محسن نقوی کا بیان

لاہور (ڈیلی پاکستان آن لائن) چیئرمین پاکستان کرکٹ بورڈ محسن نقوی نے کہا ہے کہ آئی سی سی اور بنگلادیش کے درمیان بات چیت جاری ہے اور اس معاملے میں پیش رفت ہو رہی ہے۔

یہ بھی پڑھیں: مسلم لیگ (ن) کی طرف سے معاہدے کی پاسداری نہیں کی گئی،راجہ پرویز اشرف بول پڑے

پاکستان کا مؤقف

ایکسپریس نیوز کے مطابق محسن نقوی کا کہنا تھا کہ گھر آئے مہمان کو عزت دینی چاہیے۔ انہوں نے واضح کیا کہ پاکستان کسی کی دھمکیوں سے نہیں ڈرتا اور اپنے مؤقف پر قائم ہے۔ پاکستان نے بنگلادیش کے مؤقف کی کھل کر حمایت کی ہے اور وہ انصاف اور کھیل کے تقاضوں کے مطابق فیصلوں کے حق میں ہے۔ ان کا کہنا تھا کہ پاکستان کرکٹ میں شفافیت اور برابری کے اصولوں پر کوئی سمجھوتہ نہیں کیا جائے گا۔

بھارت کے خلاف میچ کی صورتحال

واضح رہے کہ اس سے قبل بھارت کے خلاف میچ کے بائیکات کے حوالے سے چیئرمین پی سی بی اور آئی سی سی وفد کے درمیان گزشتہ روز میٹنگ ہوئی تھی جس میں پاکستان نے کھل کر اپنے تحفظات کا اظہار کیا تھا اور ساتھ ہی بنگلا دیش کے ساتھ ہونے والی زیادتی کے ازالے پر زور دیا تھا۔