بھارتی کرکٹ بورڈ نے ورلڈ کپ کے دوران کھلاڑیوں کو اپنی فیملیز کو ساتھ رکھنے کی اجازت دینے سے انکار کر دیا

بھارتی کرکٹ بورڈ کا فیصلہ

ممبئی (ڈیلی پاکستان آن لائن) بھارتی کرکٹ بورڈ (بی سی سی آئی) نے آئی سی سی ٹی ٹوئنٹی ورلڈکپ کے دوران بھارتی کھلاڑیوں کو اپنی فیملیز ساتھ رکھنے کی اجازت دینے سے انکار کردیا۔

یہ بھی پڑھیں: ایک بے نامی سینیٹر نے جو رکیک، گھٹیا اور لچر زبان استعمال کی، وہ اس کے اپنے ذہنی معیار اور ’’غیر سیاسی ‘‘ ہونے کا منہ بولتا ثبوت ہے،پی ٹی آئی

کھلاڑیوں کی درخواست

بھارتی میڈیا کے مطابق، بھارتی ٹیم مینجمنٹ نے کھلاڑیوں کی درخواست پر فیملیز کو ساتھ رکھنے کے معاملے پر بھارتی کرکٹ بورڈ سے رابطہ کیا تھا۔ تاہم، بورڈ نے اپنی پالیسی پر قائم رہتے ہوئے واضح جواب دیا کہ اسکواڈ کے اراکین ایونٹ کے دوران فیملیز ساتھ نہیں رکھ سکتے۔

یہ بھی پڑھیں: پاکستان نے ہمیشہ امن کو فروغ دیا، ملکی سالمیت پر کوئی آنچ نہیں آنے دیں گے، قوم افواجِ پاکستان کے شانہ بشانہ ہے: وزیراعظم

فیملیز کے لیے متبادل انتظامات

بی سی سی آئی نے ٹیم مینجمنٹ کو جواب دیا کہ کھلاڑیوں کے ساتھ ان کی فیملیز نہیں رہ سکتیں، البتہ کھلاڑی اگر چاہیں تو وہ فیملیز کے اپنے الگ انتظامات کر سکتے ہیں۔

ماضی میں گائیڈ لائنز

یاد رہے کہ بھارتی بورڈ نے 2025 میں دورہ آسٹریلیا کے بعد فیملیز کے لیے گائیڈ لائنز جاری کی تھیں۔