سندھ: سرکاری گرلز کالجز میں تصاویر بنانے پر پابندی عائد
سندھ سرکار کی نئی پابندی
کراچی (ڈیلی پاکستان آن لائن) سندھ سرکار نے سرکاری گرلز کالجز میں تصاویر بنانے پر پابندی عائد کر دی۔
یہ بھی پڑھیں: دفاعی معاہدے کے بعد سعودی عرب میں ہماری افواج کی تعداد میں اضافہ ہوگا، خواجہ آصف
نوٹیفکیشن کا اجرا
نجی ٹی وی چینل جیو نیوز کے مطابق محکمہ کالج ایجوکیشن سندھ کی جانب سے سرکاری گرلز کالجز میں فوٹو گرافی پر پابندی کا باقاعدہ نوٹیفکیشن بھی جاری کردیا گیا ہے۔
یہ بھی پڑھیں: چترال میں نایاب نسل کا برفانی چیتا پُر اسرار طور پر ہلاک
خواتین کے تحفظ کے لیے اقدام
اس حوالے سے ڈائریکٹر کالجز نے کہا کہ طالبات اور خواتین اساتذہ کی فوٹو گرافی کا سوشل میڈیا پر غلط استعمال کیا گیا جس کی باقاعدہ شکایات محکمہ کالج ایجوکیشن کو موصول ہوئی ہیں۔
خلاف ورزی کی صورت میں کارروائی
ڈائریکٹر کالجز کا مزید کہنا تھا کہ سندھ کے سرکاری گرلز کالجز میں فوٹو گرافی پر پابندی عائد کی گئی ہے جس کی خلاف ورزی کرنے والے پرنسپلز اور عملے کے خلاف کارروائی کی جائے گی۔
