اوورسیز پاکستانیوں کا اعتماد بحال، ملکی ترسیلات میں اضافے کا سلسلہ جاری

ملکی ترسیلات میں اضافہ

کراچی (ڈیلی پاکستان آن لائن) اوورسیز پاکستانیوں کے اعتماد بحال ہونے کی وجہ سے ملکی ترسیلات میں اضافے کا سلسلہ جاری ہو گیا۔

یہ بھی پڑھیں: وہ وقت دور نہیں جب بابری مسجد کی بنیاد میں پہلی اینٹ پنڈی کا سپاہی رکھے گا اور پہلی اذان جنرل حافظ عاصم منیر دیں گے: پلوشہ خان

جنوری کے ترسیلات زر کے اعداد و شمار

نجی ٹی وی چینل دنیا نیوز کے مطابق سٹیٹ بینک آف پاکستان نے جنوری میں موصول ترسیلات زر کے نمبرز جاری کردیے جن کے مطابق بیرون ملک مقیم پاکستانیوں نے جنوری میں 3 ارب 50 کروڑ ڈالرز بھیجے جس کی وجہ سے ملکی ترسیلات زر ایک سال میں 15.4 فیصد بڑھ گئی۔

یہ بھی پڑھیں: چوبرجی کے مقام پر انجن کے باقاعدہ استقبال کی محفل سجائی گئی، جشن کا اہتمام کیا گیا، شہر کے سب انگریز، دیسی افسراور معززین شہر تقریب میں پہنچ گئے

مالی سال کے سات ماہ میں ترسیلات کا تجزیہ

ملکی ترسیلات زر رواں مالی سال کے سات ماہ میں 11.3 فیصد بڑھ کر 23 ارب 20 کروڑ ڈالر رہی جبکہ گزشتہ مالی سال کے سات ماہ میں یہ 20 ارب 85 کروڑ ڈالر تھی۔

ترسیلات زر کا ماخذ

ڈیٹا کے مطابق ملکی ترسیلات زر کا بڑا حصہ سعودی عرب سے 73 کروڑ 96 لاکھ ڈالر موصول ہوا، متحدہ عرب امارات سے 69 کروڑ 42 لاکھ ڈالر موصول ہوئے جبکہ برطانیہ سے 57 کروڑ 21 لاکھ ڈالر موصول ہوئے اور امریکا سے 29 کروڑ 47 لاکھ ڈالر کی رقم حاصل ہوئی ہے۔