پی ٹی آئی کے کنٹینر میں مجھے تیل نظر نہیں آ رہا، قومی وحدت اور اطمینان کے لیے ملک میں فوری طور پر انتخابات کیے جائیں، مولانا فضل الرحمان

مولانا فضل الرحمان کا بیان

چارسدہ(ڈیلی پاکستان آن لائن) جے یو آئی کے سربراہ مولانا فضل الرحمان کا کہنا ہے کہ وفاق اور صوبہ خیبر پختونخوا کے مابین ورکنگ ریلیشن قائم ہونا چاہئے۔ سیاست پارٹیاں کرتی ہیں حکومت عوام کے مسائل حل کرتی ہے۔

یہ بھی پڑھیں: قانون سازی کا یہ طریقہ کار درست نہیں، مدت ملازمت میں اضافہ نہیں ہونا چاہیے، بیرسٹر گوہر

صوبے کی مشکلات اور وفاق کی ضرورت

میڈیا سے گفتگو کرتے ہوئے انہوں نے کہا کہ کوئی صوبہ وفاق کی مدد کے بغیر عوام کے مسائل حل نہیں کر سکتا۔ وزیراعلیٰ سہیل آفریدی اور وزیر اعظم کی ملاقات تین ماہ قبل ہونی چاہئے تھی۔ امریکا پوری دنیا میں عدم استحکام پیدا کرنا چاہتا ہے۔دنیا غیر مستحکم ہو گی تو امریکا کی بادشاہت قائم رہے گی۔ امریکا کی خواہش ہے کہ ایران اور افغانستان غیر مستحکم رہے۔

یہ بھی پڑھیں: بھیک مانگنے والی 10 سالہ بچی سے 3 افراد کی مبینہ زیادتی

انتخابات کی ضرورت

مولانا فضل الرحمان نے مزید کہا، "پی ٹی آئی کے کنٹینر میں مجھے تیل نظر نہیں آ رہا ہے۔ قومی وحدت اور اطمینان کیلئے ملک میں فوری طور پر انتخابات کئے جائیں۔ الیکشن کے نتائج بدلنا اب کوئی ڈھکی چھپی بات نہیں رہی۔ غلط چیزوں کے خلاف اکثر خطرناک ردعمل آتا ہے۔ ہمیں احتیاط کر کے حد میں رہنا ہوگا۔ دھاندلی کے نتیجے میں بننے والی حکومتیں صرف دعوے کر سکتی ہیں کام نہیں۔ موجودہ حکومت امن و آمان لا سکتی ہے نا ہی معاشی استحکام۔ پارلیمنٹ پر عوام کو اعتماد نہیں رہا۔ ہماری حکومت بھیک مانگ کر گزارہ کرتی ہے۔ ایف ٹی ایف اور عالمی مالیاتی اداروں نے ہمیں یرغمال کیا ہے۔ پاکستان کی تقسیم کے بارے میں سوچ بھی نہیں سکتا۔ بلوچستان اور خیبرپختونخوا کے عوام کے حقوق پر بات ہونی چاہیئے۔"

ٹویٹ اقتباس

چارسدہ: جے یو آئی کے سربراہ مولانا فضل الرحمن کا میڈیا سے بات چیت۔
چارسدہ: وفاق اور صوبہ پختون خوا کے مابین ورکنگ ریلیشن قائم ہونا چاہئے۔
چارسدہ: سیاست پارٹیاں کرتی ہیں حکومت عوام کے مسائل حل کرتی ہے۔
چارسدہ: کوئی صوبہ وفاق کی مدد کے بغیر عوام کے مسائل حل نہیں کر سکتی۔… pic.twitter.com/Doe9btNgvL

— Jamiat Ulama-e-Islam Pakistan (@juipakofficial) February 11, 2026