بانی پی ٹی آئی تین ماہ سے کہہ رہے تھے کہ مجھے نظر نہیں آ رہا، یہ دو ہفتے سے کیمروں کے ذریعے دیکھ رہے تھے کہ بانی کی آنکھ دیکھنا بند ہوگئی، علیمہ خان کا الزام

علیمہ خان کا بیان

اسلام آباد (ڈیلی پاکستان آن لائن) بانی پی ٹی آئی کی ہمشیرہ علیمہ خان نے کہا کہ کئی ہفتوں تک نہیں بتایا گیا کہ بانی پی ٹی آئی کی آنکھ خراب ہو رہی ہے، بانی کا علاج شفاء میں ہوگا اور ان کے ذاتی معالج کی موجودگی میں ہوگا۔

یہ بھی پڑھیں: منوڑہ کے قریب ڈوبنے والے چوتھے ماہی گیر کی لاش چرنا آئرلینڈ کے قریب سے نکال لی گئی

پریس کانفرنس کی تفصیلات

اسلام آباد پریس کانفرنس کے دوران علیمہ خان نے کہا کہ آج دل ہل گیا ہم نے ڈھائی سال جیل میں بیٹھے شخص کے ساتھ اچھا نہیں کیا، سپرنٹنڈنٹ اڈیالہ جیل عبدالغفور انجم کو تین ماہ سے بتایا جا رہا تھا کہ آنکھ میں تکلیف ہے، بانی پی ٹی آئی تین ماہ سے کہتے رہے کہ مجھے نظر نہیں آرہا۔

یہ بھی پڑھیں: اگر حکومتی ایم پی ایز نے اسمبلی نہیں آنا تو عوام کے ٹیکس کا پیسہ کیوں برباد کیا جا رہا ہے؟ صحافی صدیق جان

بانی پی ٹی آئی کی حالت

اس جیل میں عبدالغفور ہی نہیں بلکہ کیمروں سے سب دیکھ رہے ہیں، یہ دو ہفتے سے دیکھ رہے تھے کہ بانی کی آنکھ دیکھنا بند ہوگئی، تین ماہ سے انہوں نے بتایا نہیں کہ ان کی آنکھ خراب ہوجائے گی۔ علیمہ خان کہنا تھا کہ اس وقت انصاف مل رہا ہوتا تو بانی جیل میں نہ ہوتے، ان کے پاس دو دن ہیں بہتر ہے وہ بانی کا علاج کرالیں۔

علاج کی ضرورت

عبدالغفور کے لیے بہتر ہے کہ وہ علاج کرائے اور فوری صحت پر کام ہونا چاہیے، یہ سرکاری باتیں ہورہی ہیں کہ بنی گالہ شفٹ کیا جا رہا ہے سب جھوٹ ہے، بانی نے واضح کیا کہ میں ان کے سامنے نہیں جھکوں گا۔