سلطنت میں یکم رمضان ۱۹ فروری کو ہوگا، عمان حکومت کا اعلان

عمان میں رمضان کا آغاز

مسقط(ڈیلی پاکستان آن لائن) عمان حکومت نے اعلان کیا ہےکہ سلطنت میں یکم رمضان 19 فروری کو ہو گا۔

یہ بھی پڑھیں: ٹرائی نیشن سیریز، پاکستان کا زمبابوے کے خلاف ٹاس جیت کر بیٹنگ کا فیصلہ

پہلا عرب ملک

غیر ملکی میڈیا کے مطابق عمان چاند کی باقاعدہ رویت سے ایک ہفتہ قبل ہی رمضان کی پہلی تاریخ کا اعلان کرنے والا پہلا عرب ملک ہے۔

یہ بھی پڑھیں: گرینڈ ہیلتھ الائنس میں شامل 40 تنظیموں نے ہسپتالوں کے آؤٹ ڈور بند کر دیئے ، پنجاب حکومت کو کیا “دھمکی ” دیدی ؟ جانیے.

چاند کی رویت کی تصدیق

عمان کے سرکاری میڈیا کی جانب سے اعلان کیا گیا ہےکہ بدھ 18 فروری کو ماہ شعبان کا آخری روز ہو گا جب کہ جمعرات 19 فروری 2026 یکم رمضان 1447 ہجری ہو گا۔

یہ بھی پڑھیں: کام کرو یا گھر جاؤ یہ تماشہ بند ہو جانا چاہیے

فلکیاتی حساب

عمان کی مرکزی رویت ہلال کمیٹی کے مطابق فلکیاتی حساب سے یہ ثابت ہو چکا ہےکہ منگل 29 شعبان کو چاند کا نظر آنا فلکیاتی طور پر ناممکن ہے۔

کمیٹی کا اعلان

اور یہ طے ہے کہ سائنسی حقائق کسی دن چاند نظر آنے کو ناممکن قرار دیں تو اس کے برخلاف موصول ہونے والی شہادتیں قبول نہیں کی جاتیں، اس لیے کمیٹی اعلان کرتی ہے کہ بدھ 18 فروری 2026 شعبان کا آخری روز ہو گا اور جمعرات 19 فروری 2026 یکم رمضان 1447 ہجری ہو گا۔