ملیر میں سنار کی دکان میں بڑی چوری، آدھا کلو سے زائد سونا غائب

چوری کی بڑی واردات

کراچی(ڈیلی پاکستان آن لائن) کراچی میں ملیر سٹی گانچی مارکیٹ میں سنار کی دکان میں چوری کی بڑی واردات ہوئی ہے۔ نامعلوم ملزمان نے سونار کی دکان کے تالے توڑ کر تجوری لے اڑے۔

یہ بھی پڑھیں: مس یونیورس مقابلے میں پاکستان کی نمائندگی کرنے والی روما ریاض نے رنگت پر تنقید کرنے والوں کو کرارا جواب دے دیا

چوری کی تفصیلات

نجی ٹی وی چینل ایکسپریس نیوز کے مطابق تجوری میں آدھا کلو سے زائد سونا اور پانچ لاکھ روپے نقد موجود تھے۔ چوری کیے جانے والے سونے کی مالیت تقریبا پونے تین کروڑ روپے ہے۔

یہ بھی پڑھیں: آرٹیکل 191 اے ون کو 191 اے تھری کے ساتھ ملا کر پڑھیں، آئینی بنچ کے لیے ججز جوڈیشل کمیشن نامزد کرے گا، جسٹس عائشہ ملک

واردات کا وقت

یہ واردات رات کے کسی پہر انجام دی گئی۔ صبح سنار کی دکان کے مالک اقبال نے اس واقعے سے متعلق پولیس کو اطلاع دی۔

پولیس کی کارروائی

کرائم سین یونٹ کو موقع پر طلب کیا گیا اور شواہد اکٹھا کرلیے گئے۔ پولیس نے مارکیٹ کے تین چوکیداروں کو حراست میں لے کر تفتیش شروع کردی ہے۔