رمضان المبارک میں گھی اور کوکنگ آئل کی قیمتوں میں بڑی کمی کا اعلان

پنجاب میں آئل اور گھی پر رعایت

لاہور(ڈیلی پاکستان آن لائن) وزیراعلیٰ پنجاب کے ویژن کے مطابق صوبے کی عوام کو بڑا ریلیف فراہم کرتے ہوئے آئل اور گھی پر خصوصی رعایت کا اعلان کردیا گیا۔

یہ بھی پڑھیں: ملتان ؛غیر ملکی طالبعلم فٹبال میچ کے دوران حرکتِ قلب بند ہونے سے انتقال کر گیا

گھی اور آئل کی قیمتوں میں کمی

نجی ٹی وی چینل ہم نیوز کے مطابق ڈی جی فوڈ اتھارٹی عاصم جاوید سے پاکستان گھی مل مالکان کی ملاقات ہوئی، بعدازاں معاون خصوصی وزیر اعلیٰ پنجاب سلمی بٹ نے بتایا کہ رمضان المبارک میں تمام گھی اور آئل پر 10 روپے تا 16 روپے فی کلو/لٹر پیکٹ رعایت ہوگی۔

یہ بھی پڑھیں: سانحہ گل پلازا: تحقیقات کے لیے قائم جوڈیشل کمیشن نے مختلف محکموں کو طلب کرلیا

رمضان میں معیاری آئل کی دستیابی

ماہ رمضان میں ہر فرد تک معیاری اور بارعایت آئل گھی مارکیٹ میں میسر ہو گا، مستقبل میں پام آئل قیمتیں کم ہونے کی صورت میں انڈسٹری اتھارٹی سے مشاورت کے ساتھ پرائس میں فوری ریلیف دیا جائے گا۔

یہ بھی پڑھیں: الزامات لگانے سے عوام کے مسائل حل نہیں ہوتے، نفاق کو ختم کرنا ہو گا: شاہد خاقان عباسی

معیاری گھی کی فراہمی کے اقدامات

ڈی جی فوڈ اتھارٹی نے کہا کہ معیاری گھی کی فراہمی کے لیے مارکیٹ میں جدید سسٹم متعارف کروانے کی فوری ضرورت ہے، ٹرانسفیٹی ایسڈ کو کم کرنے کے لیے سستے اور جدید طریقے موجود ہیں۔

یہ بھی پڑھیں: پنجاب حکومت کا جھوٹی خبریں پھیلانے والوں کیخلاف عدالت سے رجوع کا فیصلہ

گھی کی کیفیت میں بہتری

گھی کی کوالٹی، ٹیسٹنگ کے عمل کو جدید اور بین الاقوامی طرز پر لایا جا رہا ہے۔ ناقص کوالٹی گھی کی مارکیٹ میں سپلائی پر سخت ایکشن لیا جائے گا۔

انڈسٹری کی رہنمائی

اس موقع پر چیئرمین گھی مل ایسوسی ایشن کا کہنا تھا کہ آئل گھی کے معیار میں بہتری، یونٹ مینجمنٹ میں فوڈ اتھارٹی نے انڈسٹری کی رہنمائی کی۔