پاکستان فلورملزایسوسی ایشن کے حکومت پنجاب سے مذاکرات کامیاب، رمضان المبارک میں عوام کو ریلیف دینے کا عندیہ دیدیا

مذاکرات کا کامیاب اختتام

لاہور (ڈیلی پاکستان آن لائن) پاکستان فلورملزایسوسی ایشن کے حکومت پنجاب سے مذاکرات کامیاب ہو گئے ہیں، ایسوسی ایشن نے رمضان المبارک میں عوام کو ریلیف دینے کا عندیہ دیدیا۔

یہ بھی پڑھیں: پاکستان سمیت شمالی نصف کُرے میں آج سال کا سب سے چھوٹا دن، طویل ترین رات ہوگی

آٹا کی فروخت کے نرخ

پنجاب بھر کے 64 سہولت اور رمضان سہولت بارزاروں میں آٹا کم نرخوں پر فروخت کیا جائیگا۔ سما ٹی وی کے مطابق فلور ملز ایسوسی ایشن کا کہنا ہے کہ پنجاب بھر میں آٹے کی سپلائی معمول کے مطابق جاری رہے گی۔

اہم معلومات

فلورملزایسوسی ایشن کا کہنا ہے کہ دس کلوگرام آٹے کا تھیلا 850 روپے میں فروخت کیا جائیگا۔ پنجاب بھر میں فلورملز کی جانب سے 1550 آٹاسیل پوائنٹ قائم کئے جائیں گے۔ سیل پوائنٹ پر دس کلو آٹے کا تھیلا 905 اور بیس کلو کا تھیلا 1810 روپے میں فروخت ہوگا۔