ایئر چیف مارشل ظہیر احمد بابر کا انڈونیشیا کا دورہ، صدر اور عسکری قیادت سے اہم ملاقاتیں
پاک فضائیہ کا دورہ انڈونیشیا
راولپنڈی (ڈیلی پاکستان آن لائن) پاک فضائیہ کے سربراہ ایئر چیف مارشل ظہیر احمد بابر سدھو انڈونیشیا کے سرکاری دورہ پر جکارتہ پہنچ گئے۔
یہ بھی پڑھیں: معاہدہ کی خلاف ورزی: پی ایچ اے نے کثیر المنزلہ عمارت مسمار کر دی
صدر انڈونیشیا سے ملاقات
مسلح افواج کے شعبہ تعلقات عامہ آئی ایس پی آر کے مطابق، ایئر چیف مارشل ظہیر احمد بابر سدھو کی انڈونیشیا کے صدر پربوو سے ملاقات ہوئی۔ ملاقات میں پاکستان اور انڈونیشیا کی دیرینہ برادرانہ شراکت داری پر زور دیا گیا۔
یہ بھی پڑھیں: پنجاب میں سیلاب سے 2200 دیہات زیر آب، 20 لاکھ افراد متاثر، اموات 33 ہوگئیں
دفاعی تعاون کی خواہش
اس موقع پر انڈونیشی صدر پربوو نے پاک فضائیہ کے جدید تربیتی نظام میں دلچسپی ظاہر کی۔ انڈونیشیا نے دفاعی صلاحیت بڑھانے کے لیے پاک فضائیہ سے تعاون کی خواہش ظاہر کی۔
یہ بھی پڑھیں: پاکستان میں 7 اور 8 ستمبر کی درمیانی شب چاند گرہن کا آغاز کس وقت ہوگا؟
اہم ملاقاتیں اور گارڈ آف آنر
آئی ایس پی آر کے مطابق، ایئر چیف نے انڈونیشین وزیر دفاع اور عسکری قیادت سے اہم ملاقاتیں کیں۔ ایئر چیف کو تمام مقامات پر باقاعدہ گارڈ آف آنر پیش کیا گیا۔
یہ بھی پڑھیں: محکمہ موسمیات نے سموگ سے متعلق پیش گوئی کردی
مشترکہ تربیت اور ایرو اسپیس میں شراکت
دونوں فضائی افواج نے مشترکہ تربیت اور پیشہ ورانہ تبادلوں پر اتفاق کیا، ابھرتے ایرو اسپیس شعبوں میں باہمی اشتراک بڑھانے پر تفصیلی گفتگو ہوئی۔ انڈونیشین ایئر چیف نے پاک فضائیہ کے جنگی تجربے کو سراہا۔
اعلیٰ ترین میڈل کی پیشکش
آئی ایس پی آر کے مطابق، اس موقع پر ایئر چیف کو انڈونیشین فضائیہ کا اعلیٰ ترین میڈل آف آنر دیا گیا۔ مشترکہ اجلاس میں دفاع اور سلامتی کے مختلف امور پر تبادلۂ خیال کیا گیا۔
