اگلے دن میں نہا دھو کر سکول میں داخل ہوا، طلباء کی طرف سے لقب یعنی ”اوہ نمونا جاندا اے“ بالکل فری حاصل کرلیا، سمجھوتے کے سوا چارہ نہ تھا۔

مصنف: ع۔غ۔ جانباز

قسط: 57

پڑھائی کا آغاز

پیارے طالب علموں، باقاعدہ پڑھائی انشاء اللہ کل سے شروع کریں گے۔ آج ”نمونے“ کے طور پر کچھ چیزیں پیش کر رہا ہوں۔ ذرا سمجھنے کی کوشش کیجئے گا۔

پزلز کی مشق

میں نے رَٹے رَٹائے "Puzzles" کے خاکے ایک ایک کر کے بلیک بورڈ پر بنائے اور مختلف طلباء کو بلا کر ان کو حل کرنے کی دعوت دی۔ یہ صرف ”نمونے“ کے طور پر پیش کی گئی ہیں۔ کل باقاعدہ پڑھائی ہوگی۔ اس طرح لڑکوں کو میں نے سارا پیریڈ مصروف رکھّا۔

طالب علموں کی دلچسپی

یہ اس لیے بھی کیا کہ میں نے ریاضی کے کورس کی کتاب ابھی نظر سے نہیں گذاری تھی۔ پیریڈ ختم ہونے کی گھنٹی بجی تو طلباء سے کہا کہ کل سے باقاعدہ کورس کی پڑھائی شروع کریں گے۔ یہ تو صرف چند چیزیں ”نمونے“ کے طور پر پیش کی ہیں۔

نئے القاب کا آغاز

اگلے دن میں سکول میں داخل ہوا تو ایک دو طرف سے آوازیں سنائی دیں۔ پتہ چلا کہ لڑکے کہہ رہے ہیں کہ ”اوہ نمونا جاندا اے“۔ یہ دیکھ کر بھانپ گیا کہ کل پیریڈ میں ”نمونے“ کا لفظ استعمال کرکے طلباء کی طرف سے ایک القاب حاصل کرلیا ہے۔

لڑکوں کی حرکت

پھر حسب دستور و روایات ایک مضبوط چھڑی ہاتھ میں لیے سکول میں آیا۔ لیکن یہ ڈنڈا بھی اُس القاب ”نمونا“ کو نہ ہٹا سکا، فقط اس کی شدتّ میں کمی ہوئی۔

گاؤں کی دعوت

ایک دن کچھ لڑکوں نے دعوت دی کہ اُن کے ساتھ اُن کے گاؤں چلیے گا۔ میں نے فوراً حامی بھرلی۔ یہی کوئی 3 کلومیٹر پر اُن کا گاؤں تھا۔ وہاں کھانا کھا کر کچھ دیر سستانے کے بعد لڑکے کہنے لگے کہ ہم تو نہر پر نہانے چلے ہیں۔

نہر میں تجربات

نہر گاؤں سے نزدیک ہی تھی۔ کچھ لڑکے بھاگ دوڑ کرتے ہوئے وہاں پہنچ کر نیکریں پہن کر نہر میں چھلانگیں لگا چکے تھے۔ میں نے اپنی نیکر پہن لی اور پانی میں اُترا۔ سب لڑکے اُس میں بڑی تن آسانی سے تیر رہے تھے۔

حفاظتی احتیاط

میں نے احتیاط یہ کی کہ کنارے کے بالکل ساتھ اُترا، لیکن جیسا کہ ہوا، پانی پیٹ سے اُوپر ہو گیا۔ پھر کچھ ڈبکیاں لے کر کنارے کے ساتھ گھاس کو پکڑ لیا اور کامیابی کے ساتھ کنارے پر چڑھنے کے لئے کوشش کی۔