صحافی خرم اقبال کو پیکا ایکٹ کے تحت حراست میں لینے کے بعد رہا کردیا گیا

خرم اقبال کا اغوا

لاہور(ڈیلی پاکستان آن لائن) نجی نیوز چینل کے صحافی اور اسلام آباد بیورو کے پروڈیوسر خرم اقبال کو سادہ لباس میں ملبوس افراد کے گھر سے لے جانے کے واقعے نے سیاسی اور صحافتی حلقوں میں ہلچل مچا دی ہے، انہیں کئی گھنٹے حراست میں رکھنے کے بعد رہا کیا گیا۔

یہ بھی پڑھیں: فیض حمید سے مل کر کیا پلان بنایا گیا، کن شخصیات سے رابطہ کیا گیا۔۔؟ شہلا رضا نے تہلکہ خیز انکشاف کر دیا

واقعہ کی تفصیلات

خرم اقبال کے اہل خانہ کے مطابق انہیں اس وقت اٹھایا گیا جب وہ ہربنس پورہ کی صحافی کالونی میں اپنی بہن کے گھر موجود تھے۔ ان کے بہنوئی کا کہنا ہے کہ پندرہ سے بیس مسلح افراد گھر میں داخل ہوئے، جن میں سے بعض نے پولیس کی وردی پہن رکھی تھی اور خرم اقبال کو اپنے ساتھ لے گئے۔ واقعے کے وقت گھر میں ان کی اہلیہ اور بیٹا موجود تھے۔ واقعے کے کئی گھنٹوں تک کسی ادارے کی جانب سے خرم اقبال کی گرفتاری کی تصدیق نہیں کی گئی، اس دوران صحافتی تنظیموں نے شدید تشویش کا اظہار کیا۔

یہ بھی پڑھیں: مجھے خوف ہے کہ حسن زاہد سزا کے بغیر چھوٹ گیا تو مجھ سے بدلہ ضرور لے گا: سامعہ حجاب

حکام کا بیان

بعد ازاں وزیراطلاعات پنجاب عظمیٰ بخاری نے سماجی رابطے کی ویب سائٹ ایکس پر بیان جاری کرتے ہوئے کہا کہ خرم اقبال لاپتا نہیں بلکہ انہیں پیکا کے تحت ایک مبینہ جعلی ویڈیو شیئر کرنے کے الزام میں حراست میں لیا گیا ہے۔ ان کا کہنا تھا کہ یہ اقدام قانون کے مطابق کیا گیا اور کسی کو بھی قانون سے بالاتر ہو کر کارروائی کی اجازت نہیں دی جا سکتی۔

یہ بھی پڑھیں: 5ویں بار عدالتی حکم کے باوجود مجھے میرے قائد سے نہیں ملنے دیا گیا، کچھ لوگ اداروں سے زیادہ طاقتور ہوچکے ہیں، سہیل آفریدی

صحافیوں کا ردعمل

اس سے قبل اینکر عاصمہ شیرازی نے اپنے بیان میں پنجاب حکومت کو ذمہ دار قرار دیتے ہوئے سوال اٹھایا تھا کہ اگر گرفتاری پیکا کے تحت کی گئی تو شکایت کب اور کہاں درج ہوئی۔ ان کا کہنا تھا کہ دن ایک بجے سادہ لباس میں افراد گھر میں داخل ہوئے اور آٹھ گھنٹوں بعد سرکاری وضاحت سامنے آئی، جو کئی سوالات کو جنم دیتی ہے۔ سینئر صحافی حامد میر نے بھی واقعے کی مذمت کرتے ہوئے اسے آزادی صحافت کے لیے تشویشناک قرار دیا۔ سوشل میڈیا پر ہلچل مچنے کے بعد صحافی خرم اقبال کو رہا کردیا گیا۔

سوشل میڈیا کا اثر

وہ لاپتا نہیں ہے،پیکا کے تحت فیک ویڈیو بنا کر ٹویٹ کرکے پھیلانے کے جرم میں زیر حراست ہے،یہ حرکت کونسی صحافتی اقدار ہے؟اور انکی ٹائم لائن چیک کریں وہ ایک پراپیگنڈا سیل کے ممبر تو ضرور ثابت ہوتے ہیں،صحافی تو نہیں کہہ سکتے،آپ سمجھتی ہیں یہ ملک جنگل بنا رہے جو جسکا دل کررہا ہے وہ… https://t.co/VNATniXnK6

— Azma Zahid Bokhari (@AzmaBokhariPMLN) February 13, 2026