وزیراعظم کا رمضان ریلیف پیکج کیلئے 38 ارب روپے کی رقم مختص کرنے کا اعلان

وزیراعظم شہباز شریف کا رمضان المبارک کے لیے خصوصی پیکج کا اعلان

اسلام آباد (ڈیلی پاکستان آن لائن) وزیراعظم شہباز شریف نے رمضان المبارک کے حوالے سے خصوصی پیکج کا اعلان کردیا، وزیراعظم نے بٹن دبا کر رمضان ریلیف پیکیج 2026 کا باقاعدہ اجرا کیا۔ رمضان ریلیف پیکج کیلئے 38 ارب روپے کی رقم مختص کی گئی ہے۔

یہ بھی پڑھیں: مولانا فضل الرحمٰن شادی کو بلوغت سے جوڑتے ہیں جبکہ اسلام اور آئین انصاف، تحفظ اور انسانی وقار پر زور دیتے ہیں: شرمیلا فاروقی

رقم کی تقسیم کا طریقہ کار

نجی ٹی وی چینل سماء نیوز کے مطابق رمضان ریلیف پیکیج کے اجراء کی تقریب سے خطاب کرتے ہوئے وزیراعظم نے کہا کہ رقم حق داروں کو ڈیجیٹل والٹس اور ڈیجیٹل بینک اکاؤنٹس سے منتقل ہوگی۔ رمضان میں بلا تفریق 13 ہزار روپے فی خاندان فراہم کیے جائیں گے۔

یہ بھی پڑھیں: کسی کی ضد تھی کہ مراد سعید مائنس ہے، ہم نے انہیں سینیٹر بنا دیا، علی امین گنڈا پور

مزید مستحق خاندانوں کی مدد

انہوں نے مزید کہا کہ 21 لاکھ سے زائد ایسے خاندان بھی ہیں جو کسی کفالت پروگرام کا حصہ نہیں، پہلے سے زیر کفالت 1 کروڑ خاندانوں کے لئے بھی 10 ارب روپے کی رقم مختص کی گئی ہے۔ مجموعی طور پر ایک کروڑ 21 لاکھ خاندانوں میں رقوم بلاتفریق تقسیم کی جائیں گی۔

کردار کی نگرانی اور عوامی سہولیات

وزیراعظم نے مزید کہا کہ رمضان پیکج سے مستفید ہونے والے افراد کا مجموعی حجم 6 کروڑ ہو جائے گا، وفاقی وزراء کی کمیٹی رمضان پیکج کے تمام مراحل کی نگرانی کرے گی۔ عوام کی سہولت کے لیے ہیلپ لائن 9999 بھی قائم کی گئی ہے۔