تحریک انصاف نے اڈیالہ جیل میں بانی پی ٹی آئی عمران خان کا طبی معائنہ مسترد کردیا

تحریک انصاف کا عمران خان کا طبی معائنہ مسترد

اسلام آباد(ڈیلی پاکستان آن لائن) تحریک انصاف نے اڈالہ جیل میں بانی پی ٹی آئی عمران خان کا طبی معائنہ مسترد کردیا۔ ترجمان پی ٹی آئی کے مطابق فیملی اور ذاتی معالجین کے بغیر طبی معائنہ مسترد کرتے ہیں۔

یہ بھی پڑھیں: صدر آصف زرداری کا سڈنی میں فائرنگ کے واقعے پر گہرے رنج و غم کا اظہار

خاندانی فیصلے کا حق

معائنے کے وقت جیل آنے کا کہنا بنیادی مسئلے سے توجہ ہٹانے کی کوشش ہے۔ حساس طبی معاملات میں فیصلہ کرنے کا حق بانی کی فیملی کا بنتا ہے۔ معاملہ پارٹی قیادت کی موجودگی یا عدم موجودگی کا نہیں تھا۔

یہ بھی پڑھیں: انڈونیشیا کے صدر دو روزہ دورے پر پیر کو پاکستان پہنچیں گے

میڈیکل بورڈ کی تفصیل

بیان میں مزید کہا گیا ہے کہ فیملی اس وقت تک فیصلہ نہیں کرسکتی جب تک ذاتی معالجین موجود نہ ہوں۔ پارٹی قیادت کو مدعو کرنے کا کوئی جواز نہیں، ذاتی معالجین کو بانی پی ٹی آئی تک رسائی دی جائے۔ بانی کی فیملی سے فوری ملاقات کرائی جائے۔

یہ بھی پڑھیں: 20 برسوں سے بجٹ میں تجاویز دیں، اسلام آباد کی رونق کراچی کی وجہ سے ہے، خالد مقبول صدیقی

عمران خان کی آنکھوں کا معائنہ

واضح رہے کہ اڈیالہ جیل میں بانی پی ٹی آئی عمران خان کی آنکھوں کا معائنہ مکمل ہوگیا۔ میڈیکل بورڈ کی نگرانی میں آنکھوں کا تفصیلی چیک اپ کیا گیا، جس کے دوران سیکیورٹی کے سخت انتظامات بھی موجود تھے۔

ڈاکٹرز کی رپورٹ

ذرائع کے مطابق ڈاکٹرز کی ٹیم اڈیالہ جیل سے واپس روانہ ہوگئی۔ ٹیکنیشن بھی 5 رکنی ڈاکٹرز کی ٹیم کے ہمراہ تھے۔ ڈاکٹروں نے اپنی رپورٹ مکمل کرکے حکومت کے حوالے کرنے کا عمل شروع کیا۔