امریکی فوج نے بحرہند میں ایک اور آئل ٹینکر قبضہ میں لے لیا

امریکی افواج کی کارروائی

واشنگٹن (ویب ڈیسک) امریکی افواج نے بحر ہند میں ایک تیل بردار جہاز پر چڑھائی کرتے ہوئے اسے روک لیا ہے، جو کہ کیریبین میں عائد امریکی ناکہ بندی سے بچ کر نکلنے کی کوشش کر رہا تھا۔

یہ بھی پڑھیں: اسرائیل مردہ باد کے نعرے لگانے والوں کو ویزا نہیں دیں گے: امریکی محکمہ خارجہ

جہاز کے پس منظر

پینٹاگون کے مطابق پانامہ کے پرچم تلے چلنے والا جہاز ویرونیکا III نے امریکی صدر ڈونلڈ ٹرمپ کی جانب سے وینزویلا سے وابستہ پابندی شدہ بحری جہازوں کے خلاف لگائی گئی ناکہ بندی کو توڑنے کی کوشش کی۔

یہ بھی پڑھیں: بلوچستان میں گندم کی قلت کے باعث ایک کلو آٹا 145 روپے کا ہوگیا

کارروائی کی تفصیلات

بیان میں کہا گیا کہ امریکی فورسز نے اس جہاز کا کیریبین سے بحر ہند تک تعاقب کیا اور بالآخر اسے روک لیا۔ اس موقع کی ویڈیو بھی جاری کی گئی، جس میں امریکی اہلکار ہیلی کاپٹر کے ذریعے جہاز پر اترتے دکھائی دیتے ہیں۔

یہ بھی پڑھیں: ٹرمپ نے بیرون ممالک بننے والی فلموں پر 100 فیصد ٹیرف عائد کردیا

وینزویلا پر پابندیاں

امریکی حکام کے مطابق وینزویلا کئی برسوں سے تیل پر امریکی پابندیوں کا سامنا کر رہا ہے اور خام تیل عالمی منڈی تک پہنچانے کے لیے نام نہاد “شیڈو فلیٹ” استعمال کی جاتی رہی ہے۔

جہاز کی موجودگی اور ماضی

رپورٹس کے مطابق ویرونیکا III نے 3 جنوری کو وینزویلا چھوڑا تھا اور اس پر تقریباً 20 لاکھ بیرل خام تیل اور فیول آئل موجود تھا۔ ٹینکر ٹریکنگ اداروں کا کہنا ہے کہ یہ جہاز ماضی میں روسی، ایرانی اور وینزویلا کے تیل کی ترسیل میں بھی استعمال ہو چکا ہے۔