غزہ کے لیے بورڈ آف پیس نے پانچ ارب ڈالر دینے کا وعدہ کیا ہے: ڈونلڈ ٹرمپ

غزہ کے لیے مالی معاونت کا اعلان

واشنگٹن (ڈیلی پاکستان آن لائن) امریکی صدر ڈونلڈ ٹرمپ کا کہنا ہے کہ غزہ کے لیے بورڈ آف پیس نے پانچ ارب ڈالر دینے کا وعدہ کیا ہے۔

یہ بھی پڑھیں: سندھ طاس معاہدے میں اسے یکطرفہ معطل کرنے کی کوئی شق نہیں، صدر ورلڈ بینک

اجلاس کی تفصیلات

نجی ٹی وی چینل آج نیوز کے مطابق امریکی صدر ڈونلڈ ٹرمپ نے اعلان کیا ہے کہ غزہ میں امن، استحکام اور تعمیر نو کے حوالے سے قائم کیے گئے "بورڈ آف پیس" کا اہم اجلاس 19 فروری کو واشنگٹن میں منعقد ہوگا۔ اس اجلاس میں رکن ممالک کی جانب سے کیے گئے وعدوں اور آئندہ کے لائحہ عمل کا باضابطہ اعلان کیا جائے گا۔

یہ بھی پڑھیں: وزیراعلیٰ یا عام رہنما، قومی بیانیے کے مخالف کوئی گفتگو برداشت نہیں کی جائے گی، طلال چوہدری

امداد کی نوعیت

صدر ٹرمپ نے اپنے سوشل میڈیا پلیٹ فارم ٹروتھ سوشل پر جاری بیان میں کہا کہ بورڈ آف پیس میں شامل ممالک غزہ میں جنگ سے متاثرہ بنیادی ڈھانچے کی بحالی اور انسانی امداد کے لیے پانچ ارب ڈالر سے زائد کی مالی معاونت فراہم کرنے پر آمادہ ہو چکے ہیں۔

استحکام کے لیے مشترکہ کوششیں

صدر ٹرمپ کے مطابق یہ رقم رہائشی علاقوں کی تعمیر نو، ضروری سہولیات کی بحالی اور انسانی بحران پر قابو پانے میں مدد دے گی۔

انہوں نے مزید بتایا کہ بورڈ آف پیس میں شامل ممالک نے نہ صرف مالی امداد بلکہ ہزاروں اہلکار بھی فراہم کرنے کا وعدہ کیا ہے۔ یہ اہلکار اقوام متحدہ کی منظوری سے قائم ہونے والی استحکام فورس اور مقامی پولیس کے ساتھ مل کر امن و امان کی صورتحال بہتر بنانے میں کردار ادا کریں گے۔