الخدمت فاؤنڈیشن نہ صرف پاکستان بلکہ دنیا بھر میں انسانیت کی خدمت اور مدد کے لئے بر سر پیکار ہے ، ڈاکٹر حفیظ الرحمٰن

الخدمت فاؤنڈیشن کی خدمات

جدہ(محمد اکرم اسد) - الخدمت فاؤنڈیشن کے صدر ڈاکٹرحفیظ الرحمٰن نے کہا ہے کہ الخدمت فاؤنڈیشن نہ صرف پاکستان بلکہ دنیا بھر میں انسانیت کی خدمت اور مدد کے لئے بر سر پیکار ہے۔ انہوں نے بتایا کہ الخدمت تعلیم، صحت، کفالت یتامٰی، صاف پانی، مواخات (بلا سود قرضوں کی فراہمی)، سماجی خدمات اور آفات سے بچاؤ کے شعبہ جات میں سرگرم عمل ہے۔

یہ بھی پڑھیں: گلوکارہ صنم ماروی ایک فنکشن کا کتنا معاوضہ لیتی ہیں؟

عشائیہ کی تقریب

یہ خیالات انہوں نے سماجی رابطہ کمیٹی کے صدر اور فنانس سکریٹری پاکستان انوسٹرز فورم سعودی عرب، راجہ محمد ریاض کی جانب سے قونصل پریس محمد عرفان کی زیر صدارت کبابش ریسٹورینٹ میں دیے گئے عشائیے میں اظہار کیے، جہاں کمیونٹی کی بڑی تعداد نے شرکت کی۔

یہ بھی پڑھیں: ریاست مدینہ کی حقیقی بنیاد دیکھنی ہے تو “دھی رانی پروگرام” دیکھیں: سہیل شوکت بٹ کا اجتماعی شادی کی تقریب سے خطاب

تنظیم کی تاریخ اور خدمات

ڈاکٹر حفیظ الرحمن نے الخدمت کا تعارف کراتے ہوئے کہا کہ یہ پاکستان کی ایک غیرسرکاری تنظیم ہے جس کا قیام 1990 میں عمل میں آیا۔ انہوں نے کہا کہ اس تنظیم کی سب سے نمایاں خصوصیت آفات میں رضاکارانہ سرگرمیاں ہیں، اور یہ اس وقت پاکستان کے 150 اضلاع میں خدمات انجام دے رہی ہے۔

یہ بھی پڑھیں: نامناسب ویڈیوز وائرل ہونے کے بعد ٹک ٹاکر مناہل ملک نے شوبز چھوڑنے کا اعلان کردیا

پروگرام کی تفصیلات

اس پروگرام کا آغاز قاری محمد آصف کی قرآن پاک کی تلاوت و ترجمہ سے ہوا۔ نعتِ رسولِ مقبول ﷺ محمد سلیم نے پیش کی۔ راجہ محمد ریاض نے میزبانی اور نظامت کے فرائض انجام دیتے ہوئے تمام مہمانوں کا خیرمقدم کیا اور پروگرام میں شرکت پر شکریہ ادا کیا۔

یہ بھی پڑھیں: بشریٰ بی بی کا 24 نومبر کے احتجاج میں شریک نہ ہونے کا اعلان

صدر کا خطبہ

پریس قونصلر محمد عرفان نے اپنے صدارتی خطاب میں کہا کہ الخدمت دکھی انسانیت کے لیے کام کر رہی ہے۔ اللہ تعالیٰ ان کی کاوشوں میں برکت دے۔ انہوں نے پاکستان میں اور پاکستان سے باہر لوگوں سے اپیل کی کہ وہ الخدمت کے مشن کا حصہ بنیں۔

سابق عہدیداروں کی رائے

تقریب میں چودھری محمد اکرم گجر اور کنور قطب الدین خان، سابق صدر مسلم لیگ (فنکشنل) و سابق ممبر قومی اسمبلی، بانی و چیئرمین آل راجپوت انٹرنیشنل ایسوسی ایشن (اے آر آئی اے) نے بھی خطاب کیا اور کہا کہ جماعت اسلامی پاکستان کی سب سے منظم جماعت ہے اور الخدمت فاؤنڈیشن نے ہمیشہ قدرتی آفات میں بڑھ چڑھ کر حصہ لیا ہے۔