عمران خان سے ڈیل؟ حنیف عباسی کا دلچسپ بیان آگیا

حنیف عباسی کا بانی پی ٹی آئی سے ڈیل کے حوالے سے بیان

راولپنڈی (ڈیلی پاکستان آن لائن) وفاقی وزیر ریلوے حنیف عباسی نے بانی پی ٹی آئی سے ڈیل کی خبروں پر تبصرہ کرتے ہوئے کہا ہے کہ شادی سے پہلے رضا مندی ضروری ہے۔ اگر دونوں اطراف سے رضا مندی ہوگئی تو ڈیل ہو جائے گی۔ ہر قیدی کی طرح بانی پی ٹی آئی کا علاج ہونا ان کا حق ہے۔

یہ بھی پڑھیں: ماڑی انرجی لمیٹڈ کا ڈیرہ بگٹی میں گیس کی دریافت کا اعلان

ذاتی معالج کے حصول کی کوششیں

نجی ٹی وی چینل ایکسپریس نیوز کے مطابق، راولپنڈی کے بینظیر بھٹو اسپتال کے دورے کے دوران وزیر ریلوے حنیف عباسی نے میڈیا سے گفتگو کرتے ہوئے کہا کہ جب میں جیل میں تھا تو میں نے کئی بار ذاتی معالج کے لیے درخواست کی، مگر ایک بھی درخواست پر غور نہیں کیا گیا اور نہ ہی علاج سے پہلے بچوں سے ملنے کی اجازت ملی۔

سیاست میں وقت کی اہمیت

وفاقی وزیر نے مزید کہا کہ سیاست میں حرفِ آخر نہیں ہوتا، آج کے حریف کل کے ساتھی بن سکتے ہیں۔ انہوں نے مزید کہا کہ جو شخص 74 برس کی عمر میں بھی اپنی زبان پر قابو نہ رکھ سکے، وہ سیاست نہ کرے۔ سیاست میں وقت کے ساتھ پختگی آتی ہے، اور میں آج 2003 کے مقابلے میں زیادہ پختگی محسوس کرتا ہوں۔