سولر صارفین کے لیے اچھی خبر ۔۔۔نیپرا نے ترمیم شدہ نیٹ میٹرنگ ریگولیشن پر شراکت داروں سے رائے طلب کر لی

نیپرا کی نئی نیٹ میٹرنگ ریگولیشن پر رائے طلب

اسلام آباد (ڈیلی پاکستان آن لائن) نیشنل الیکٹرک پاور ریگولیٹری اتھارٹی (نیپرا) نے ترمیم شدہ نیٹ میٹرنگ ریگولیشن پر شراکت داروں سے ایک ماہ کے اندر رائے طلب کر لی ہے۔

یہ بھی پڑھیں: پاکستان کو موجودہ مالی سال کتنے بیرونی قرضے اور گرانٹس ملیں ۔۔۔؟ اقتصادی امور ڈویژن نےاہم تفصیلات جاری کر دیں

پرانے صارفین کے حقوق کی حفاظت

سما ٹی وی کے مطابق نیپرا کا کہنا ہے کہ پرانے نیٹ میٹرنگ صارفین کے ریٹ اور کنٹریکٹ میں کوئی تبدیلی نہیں کی جائے گی۔ موجودہ صارفین کو نیٹ بلنگ کے بجائے نیٹ میٹرنگ کی سہولت بدستور حاصل رہے گی۔ پرانے صارفین کا سات سالہ معاہدہ اور بائی بیک ریٹ بھی برقرار رہے گا اور اس میں کوئی ردوبدل نہیں ہوگا۔