قومی کرکٹر عماد وسیم نے دوسری شادی کر لی، سابقہ اہلیہ نے تقریب کی ویڈیو پوسٹ کر کے دوسری بیوی کو اپنا’گھر اجاڑنے والی خاتون قرار دے دیا
عماد وسیم کی دوسری شادی
اسلام آباد(ڈیلی پاکستان آن لائن) قومی کرکٹر عماد وسیم نے دوسری شادی کر لی۔ عماد وسیم کی سابقہ اہلیہ ثانیہ اشفاق نے سوشل میڈیا پلیٹ فارم انسٹاگرام پر ایک ویڈیو شیئر کی ہے جس میں عماد وسیم کی دوسری شادی کی جھلک دکھائی گئی ہے۔ ویڈیو کے ساتھ انہوں نے سخت الفاظ میں اپنا مؤقف بھی بیان کیا۔
یہ بھی پڑھیں: پی ٹی آئی سے اتحاد نہیں مگر پارلیمنٹ میں تعاون کریں گے: کامران مرتضیٰ
ثانیہ اشفاق کا مؤقف
اپنی پوسٹ میں انہوں نے لکھا کہ اب سب نے حقیقت دیکھ لی ہے۔ ثانیہ اشفاق کے مطابق گھر اجاڑنے والی خاتون نے کبھی میرے بچوں کے بارے میں نہیں سوچا اور دھوکہ دینے والا شخص آخرکار بے نقاب ہو چکا ہے۔ انہوں نے کہا کہ میں اپنے بچوں اور اپنے ساتھ ہونے والی زیادتیوں کے لیے انصاف چاہتی ہوں۔
یہ بھی پڑھیں: اسحاق ڈار کو کندھے میں ہیئر لائن فریکچر ہوا ہے، بیٹے کا بیان
سوشل میڈیا پر رائے
سابق اہلیہ کی اس پوسٹ کے بعد سوشل میڈیا پر مختلف تبصرے دیکھنے میں آ رہے ہیں، جہاں صارفین اس معاملے پر اپنی رائے کا اظہار کر رہے ہیں۔ تاہم عماد وسیم کی جانب سے تاحال اس معاملے پر کوئی باضابطہ بیان سامنے نہیں آیا۔
انسٹاگرام ویڈیو
